ТО 35-СОЛАГӢ — ҶАВОН. Дар Россия қонуни муқарраркунандаи синни ҷавонон қабул шуд

ДУШАНБЕ, 24.12.2020 /АМИТ «Ховар»/. Дирӯз Думаи давлатии Россия лоиҳаи заминавии қонун дар бораи сиёсат нисбат ба  ҷавонон дар Федератсияи Россияро дар хониши сеюм ва ниҳоӣ тасвиб кард, ки аз ҷумла, синни  давраи ҷавониро то 35-солагӣ тамдид мекунад, хабар медиҳад АМИТ «Ховар» бо истинод ба ТАСС.

Ҳуҷҷат дар соҳаи сиёсат нисбат ба  ҷавонон дорои хусусияти ҳуқуқмуайянкунанда буда,  заминаи танзими муносибатҳои ҳуқуқиро дар сатҳи федералӣ, минтақавӣ ва шаҳрӣ мегузорад. Қонун бояд маҳфумҳои  ягонаро, ки дар соҳаи сиёсат нисбт ба  ҷавонон истифода мешаванд, аз ҷумла мафҳумҳои «ҷавонон», «оилаи ҷавон», «иттиҳодияҳои ҷамъиятии ҷавонон», «мутахассиси ҷавон» ва ғайраро бояд сабт кунад.

Он инчунин меъёрҳои яксони синну солиро муайян мекунад: русҳои аз 14 то 35-сола (ҳоло то 30-сола) ҷавон ҳисоб хоҳанд шуд. Ба туфайли ин, шумораи зиёди шаҳрвандон метавонанд аз чораҳои дастгирии давлатӣ, ки барои ҷавонон пешбинӣ шудаанд, истифода баранд, — иброз  медоранд  таҳиягарони ин  ташаббус.

Ёдовар мешавем, ки ҳудуди ниҳоии синни ҷавонон дар Тоҷикистон, тибқи Қонуни Ҷумҳурии Тоҷикистон «Дар бораи ҷавонон ва сиёсати давлатии ҷавонон», ки соли 2004 қабул шудааст, аз 14 то 30 солагӣ  муқаррар шудааст.

                                                        АКСИ: news.myseldon.com