Вилояти Суғди Тоҷикистон ва Округи мухтори Ханти-Мансийск-Юграи Россия Созишномаи ҳамкорӣ ба имзо мерасонанд
ДУШАНБЕ, 23.12.2020. /АМИТ «Ховар»/. 23 декабр Консули генералии Ҷумҳурии Тоҷикистон дар шаҳри Екатеринбург Зафар Сайидзода дар онлайн-мулоқот оид ба густариши ҳамкории тиҷоративу иқтисодӣ ва фарҳангию гуманитарии миёни вилояти Суғди Тоҷикистон ва Округи мухтори Ханти-Мансийск-Юграи вилояти Тюмени Федератсияи Россия иштирок ва суханронӣ намуд. Дар ин бора ба АМИТ «Ховар» аз Консулгарии генералии ҶТ дар Екатеринбург хабар доданд.
Дар ин мулоқоти онлайнӣ муовини раиси вилояти Суғд Анвар Ёқубӣ ва намояндаи тиҷоратии Федератсияи Россия дар Ҷумҳурии Тоҷикистон Евгений Коренков иштироку маърӯза карданд. Суҳбаторо-модератори мулоқоти дуҷонибаи байниминтақавӣ роҳбари департаменти равобити ҷамъиятӣ ва хориҷии дастгоҳи Губернатори ОМХМ-Югра Елена Шумакова буд.
Аз рӯйи натиҷаҳои мулоқот доир ба ояндаи наздик ба имзо расонидани Созишномаи байниминтақавӣ оид ба ҳамкории тиҷоративу иқтисодӣ ва гуманитарӣ паймоне ҳосил гардид. Дар аснои муҳокимаи ҷанбаҳои гуногуни ҳамкории байниминтақавӣ роҳбарону кормандони масъули воҳидҳои сохтории дастгоҳҳои раиси вилояти Суғд ва Губернатори ОМХМ-Югра мубодилаи созандаи афкор намуданд.
Мулоқоти мазкур дар чаҳорчӯбаи барномаи ҷашнӣ таҳти унвони «Рӯзҳои ҳамкорӣ», ки ба 90-солагии таъсиси ОМХМ — Югра чун субъекти Федератсияи Россия бахшида шудааст, доир гардид.
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
Дар шаҳри Кӯлоб филиали «Саноатсодиротбонк» ифтитоҳ гардид
Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
Вазири энергетикаи Тоҷикистон дар Риёз дар чорабинии канорӣ оид ба диверсификатсияи манбаъҳои энергия иштирок намуд
Конфронси 28-уми байналмилалии сармоягузорӣ дар шаҳри Риёзи Подшоҳии Арабистони Саудӣ ба анҷом расид
Дар шаҳри Риёз ҳамоиши доираҳои тиҷоратию сармоягузории Тоҷикистон ва Арабистони Саудӣ баргузор гардид
Байни Вазорати кишоварзии Тоҷикистон ва Вазорати муҳити зист, об ва кишоварзии Подшоҳии Арабистони Саудӣ Ёддошти тафоҳум ба имзо расид
Ҳамкории мақомоти мубориза бо коррупсияи Тоҷикистон ва Қатар таҳким меёбад
Ҳайати Тоҷикистон дар Тайиланд масъалаи густариши сармоягузорию тиҷорат ва таҳкими муносибатҳои иқтисодиро баррасӣ намуд
Дар Форуми иқтисодии СПЕКА-2024 масъалаҳои мубрами рушди «сабз» баррасӣ шуданд
«Digital Tajikistan». Форуми байналмилалӣ дар Тоҷикистон ба рушди инноватсия ва иқтисоди рақамӣ мусоидат мекунад
Дар Форуми байналмилалии сармоягузорӣ дар Хатлон 11 санади ҳамкорӣ ба имзо расид
