«Зарби Кӯлоб», — чунин навишта шудааст болои сиккаҳои нав кашфшуда, ки ба асри 16 тааллуқ доранд
ДУШАНБЕ, 10.12.2020 /АМИТ «Ховар»/. Сиккашиноси Осорхонаи миллии Тоҷикистон, доктори илми таърих Давлатхоҷа Довудӣ зарробхонаи (сикказании) Кӯлобро кашф кард.
Донишманди номбурда чанде қабл дар таркиби як ганҷинаи сиккаҳои дар ноҳияи Шамсиддини Шоҳин ёфтшуда, ки дар Осорхонаи миллии Тоҷикистон маҳфуз аст, сиккаҳоеро пайдо кард, ки дар рӯи онҳо «Зарби Кӯлоб» навишта шуда, дар пушти онҳо нақш ҷойгир аст.
Давлатхоҷа Довудӣ дар асоси маълумоти бостоншиносӣ ва сиккашиносӣ муайян кард, ки сиккаҳо ба асри 16 тааллуқ доранд. Дар асоси бозёфти ин намуд сиккаҳо дар шаҳркадаи Искӯлоб ӯ ба хулосае омадааст, ки сиккаҳо дар ҳамин шаҳр, ки дар асри 16 пойтахти Кӯлоб буд, зада шудаанд.
Тавре Давлатхоҷа Довудӣ мегӯяд, “гап сари он аст, ки дар вилояти Хатлон дар давраи Сомониён дар асри 10, дар давраи Ғазнавиён дар асри 11 ва дар давраи Темуриён дар асри 15 сиккаҳои нуқрагӣ ва мисӣ бароварда мешуданд. Дар ин сиккаҳо номи ин вилоят аввал дар шакли Хуттал ва пасон дар шакли Хуталон навишта шудааст. Ин сиккаҳо дар ҳудуди вилоят ва берун аз он низ ёфт шудаанд. Аммо то имрӯз сиккаҳое ёфт нашуда буданд, ки дар онҳо номи Кӯлоб навишта шуда бошад”.
Кашфи зарробхонаи Кӯлоб дар таърихи сиккашиносии Тоҷикистон ва Осиёи Миёна ва дар таърихи Хатлону шаҳри Кӯлоб саҳифаи нав буда, аз аҳамияти калони илмӣ бархурдор мебошад.
ДАР АКСҲО: Сиккаҳои «Зарби Кӯлоб»
Дар Душанбе маросими кушодашавии 46-умин сессияи баҳории Академияи хурди илмҳои Тоҷикистон баргузор шуд
Санъати нодир — кундал дар Тоҷикистон рушд меёбад
«КӮЗАИ ВАҲДАТ». Ин кӯзаи мунаққаш аз хоки тамоми минтақаҳои Тоҷикистон сохта шудааст
Аксари ҳунармандони «Оркестри симфонии кӯдакон ва наврасон» ғолибони Озмуни ҷумҳуриявии «Тоҷикистон — Ватани азизи ман» мебошанд
Дар Вазорати фарҳанг оид ба нақши муассисаҳои фарҳанг дар рушди маънавиёти ҷомеа ҳамоиш доир шуд
«ОФТОБИ НАЗМИ ОЛАМ». Дар Душанбе бахшида ба бузургдошти 700-солагии Ҳофизи Шерозӣ ҳамоиш баргузор гардид
Дар Париж барномаи фарҳангии Шашмақом баргузор гардид
ПАНДИ ҲОФИЗ — ҲИДОЯТГАРИ ИНСОНҲО БА СӮИ КАМОЛОТИ МАЪНАВӢ. Бардошт аз конфронси илмӣ-байналмилалӣ дар ЮНЕСКО
Дар қароргоҳи ЮНЕСКО ба ифтихори 700-солагии Ҳофизи Шерозӣ намоиши ҷашнӣ ифтитоҳ гардид
Тоҷикистон дар қароргоҳи ЮНЕСКО 700-солагии Ҳофизи Шерозиро таҷлил менамояд
Даври дуюми Озмуни ҷумҳуриявии «Тоҷикистон — Ватани азизи ман» оғоз гардид
Дар Академияи миллии илмҳои Тоҷикистон бахшида ба Рӯзи Ваҳдати миллӣ конференсияи ҷумҳуриявӣ баргузор гардид
