ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ҳисор иншооти ташхиси техникӣ-автомобилӣ ва бақайдгирию имтиҳонӣ бунёд мегардад
ДУШАНБЕ, 12.01.2021 /АМИТ «Ховар»/. Дар доираи корҳои ободонию бунёдкорӣ ҷиҳати омодагӣ ба таҷлили 30-юмин солгарди ҷашни Истиқлоли давлатии Ҷумҳурии Тоҷикистон дар шаҳри Ҳисор иншооти ташхиси техникӣ-автомобилӣ ва бақайдгирию имтиҳонӣ бунёд мешавад.
Раиси шаҳри Ҳисор Шарифҷон Ҷумъазода аз ҷараёни корҳои сохтмонӣ дар ин иншоот, ки дар кӯчаи Синои шаҳри Ҳисор бунёд мегардад, боздид намуд. Иншооти ташхиси техникӣ-автомобилӣ ва бақайдгирию имтиҳонӣ аз се қабат иборат буда, пурра бомпӯш гардидааст. Ҳоло дар дохили он корҳои андоваю рангу бор оғоз гардидаанд.
Раиси шаҳр аз ҷараёни корҳои сохтмонӣ изҳори қаноатмандӣ карда, барои ба тартиб овардани атрофи иншоот ба масъулин дастур дод, ки дар ҳамкорӣ бо афсарону аскарони қисми низомӣ, воқеъ дар шафати бино ҳашари умумӣ доир намоянд.
Раиси шаҳри Ҳисор Шарифҷон Ҷумъазода ҳамчунин бо таъмиру тармими қитъаи роҳи кӯчаи Неъмат Қарабоеви маҳаллаи Шарқи шаҳри Ҳисор шинос гардид. Сохтмони қитъаи роҳи мазкур аз ҷониби Муассисаи давлатии нигаҳдории роҳҳои автомобилгарди шаҳр анҷом дода мешавад. Роҳ ба паҳноии 10,5 метр васеъ гардида, дар ду канораш роҳравҳо барои пиёдагардон бо шинонидани дарахтони ороишӣ бунёд мешавад.
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Суғд бо мақсади таҷлили шоистаи ҷашни Наврӯз корҳои сабзу хуррамгардонӣ оғоз шуданд
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
Сарвазири мамлакат Қоҳир Расулзода дар шаҳри Кӯлоб бо корҳои сохтмонӣ ва соҳилмустаҳкамкунӣ шинос гардид
Бахшида ба 10-солагии мақоми шаҳрро касб намудани Ҳисор ҳамоиш баргузор гардид
Оид ба рушди индустриалӣ-аграрии Тоҷикистон конференсия баргузор гардид
Сарвазири Тоҷикистон дар ноҳияи Мир Сайид Алии Ҳамадонӣ бо корҳои созандагию ободонӣ шинос гардид
Бахшида ба 35-солагии Истиқлоли давлатӣ дар деҳаи Мадми ноҳияи Айнӣ муассисаи таҳсилоти миёнаи умумии №20 бунёд карда мешавад
«ЭМОМАЛӢ РАҲМОН — АБАРМАРДИ ТАЪРИХСОЗ». Таҳти ин унвон Озмуни ҷумҳуриявии «Мақолаи беҳтарин» баргузор мегардад
СОЛИ ОБОДОНИЮ СОЗАНДАГӢ. Дар Хоруғ озмунҳои шаҳрӣ ва иқдоми бунёдкорӣ гузаронида мешаванд
Дар ноҳияи Мастчоҳ 200 иншооти таъйиноти гуногун бунёд карда мешавад
Дар шаҳри Ҳисор лоиҳаи бунёди мактабҳои нав муаррифӣ гардид
