Дар ҷаҳон зиёда аз 590 ҳазор ҳолати сироятёбӣ аз коронавирус дар як шабонарӯз ошкор шудааст

ДУШАНБЕ, 28.01.2021 /АМИТ «Ховар»/. Шумораи ҳолатҳои тасдиқшудаи сироятёбӣ аз коронавирус дар ҷаҳон дар як шабонарӯз беш аз 590 ҳазор афзуда, аз 101 миллион гузаштааст, хабар медиҳад АМИТ «Ховар» бо истинод ба маълумоте, ки имрӯз Созмони умумиҷаҳонии тандурустӣ (СУТ) интишор додааст.

То соати 10:00 (ба вақти Душанбе) -и 28 январ, ба СУТ дар бораи 101 438 000 ҳолати сироятёбӣ ва 2 184 216 ҳодисаи фавт маълумот ворид шудааст. Шумораи сироятёфтагон то 590 732 нафар, ҷонбохтагон то  16 852 нафар зиёд шудааст.

Аксарияти ҳолатҳои тасдиқшудаи сироятёбӣ дар ИМА сабт шудаанд — 26 166 201. Пас аз он Ҳиндустон (10 702 031), Бразилия (3 774 672), Россия (3 774 672), Британияи Кабир (3 715 054), Франсия (3 106 859), Испания (2 774 014), Италия (2 501 147), Туркия (2 449 839), Германия (2 179 679), Колумбия (2 055 305) ва Аргентина (1 896 053) қарор доранд.

                                                                АКС аз бойгонӣ