Дар «Бозори Деҳқон»-и Душанбе нархи маҳсулоти кишоварзӣ нисбат ба дигар бозорҳо 20-25 фоиз арзонтар аст

Январь 15, 2021 08:33

ДУШАНБЕ, 15.01.2021 /АМИТ «Ховар»/.  14 январ дар КВД «Бозори Деҳқон» -и шаҳри Душанбе нархи миёнаи маҳсулоти мавриди ниёзи аввал чунин буд: 1 кг картошка 2 сомонию 93 дирам, 1 кг пиёз 1 сомонию 73 дирам, 1 кг сабзӣ  1 сомонию 47 дирам, 1 кг карам 1 сомонию 60 дирам, 1 кг помидор 8 сомонӣ, 1 кг бодиринг 6 сомонию 50 дирам, 1 кг гӯшт 48 сомонию 34 дирам, 1 кг гӯшти мурғ 23 сомонӣ, 1 кг биринҷ аз 12 сомонию 40 дирам (вобаста ба навъ), 1 литр равғани пахта 16 сомонию 40 дирам, 1 дона тухм аз 1 сомонию 2 дирам, 1 кг шакар 8 сомонию 50 дирам, 1 литр шир 4 сомонию 75 дирам, 1 кг лубиё 15 сомонӣ (навъҳои гуногуни донагӣ аз 6 то 11 сомониро ташкид медиҳанд), 1 кг гулкарам 2сомонию 50 дирам, 1 кг себ 5 сомонию 77 дирам, 1 кг ангур 9 сомонию 67 дирам ва 1 кг анор 8 сомонию 50 дирам.

Ба гуфти муовини директори КВД «Бозори Деҳқон»-и шаҳри Душанбе  Мастон Шарипов, ҳамарӯза маълумотномаи нархи маҳсулоти мавриди ниёзи аввал тартиб дода шуда, маҳсулоти кишоварзии бозор аз рӯйи нархномаи муайянгардида пешниҳод карда мешавад.

Инчунин масъулини бозор миёни фурӯшандагон барои танзими нархи маҳсулоти мавриди ниёзи аввал  корҳои фаҳмондадиҳӣ бурда, кӯшиш ба харҷ медиҳанд, ки баланд гардидани нархи маҳсулотро то андозае нигоҳ доранд.

Дар КВД «Бозори Деҳқон» -и шаҳри Душанбе нархи маҳсулот нисбат ба дигар бозорҳои мамлакат 20-25 фоиз арзонтар мебошад.

Дар ин бозор ҳафтаи сипаригардида нархи 1 кг картошка 3- 3 сомонию 40 дирам, 1 кг пиёз 1,80-2 сомонӣ, 1 кг карам 2 сомонӣ, 1 кг помидор 14 сомонӣ, 1 кг бодиринг 11 сомонӣ, 1 кг себ аз 6 то 13 сомонӣ муқаррар гардида буд.

Ба гуфти ҳамсуҳбати мо, имрӯзҳо садоҳо оид ба боло рафтани нархи маҳсулоти мавриди ниёзи аввал бештар шудаанд. Вале аз таҳлилҳо ва муқоиса бо соли 2019 бармеояд, ки нархи на ҳамаи маҳсулоти мавриди  ниёзи аввал боло рафтааст.

«14 январи соли 2019 1 кг картошка 2 сомонию 60 дирам, 1 кг пиёз 2 сомонию 40 дирам, 1 кг сабзӣ  1 сомонию 25 дирам, 1 кг карам 1 сомонию 50 дирам, 1 кг помидор 6 сомонию 44 дирам, 1 кг бодиринг 9 сомонӣ, 1 кг гӯшт 46 сомонию 67 дирам, 1 кг гӯшти мурғ 25 сомонию 50 дирам, 1 кг биринҷ аз 10 сомонию 50 дирам (вобаста ба навъ), 1 литр шир 4 сомонию 60 дирам, 1 кг гулкарам 4 сомонию 50 дирам, 1 кг себ 8 сомонию 87 дирам, 1 кг ангур 9 сомонию 50 дирам, 1 кг анор 7 сомонию 50 дирамро ташкил медод»,- изҳор дошт Мастон Шарипов.

Ёдовар мешавем, ки КВД «Бозори деҳқон» дар таъмини сокинони шаҳри Душанбе ва  аҳолии шаҳру ноҳияҳои атрофи он бо маводи кишоварзӣ саҳми  назаррас дорад. Зеро бештари фурӯшандагони бозори мазкур деҳқонон мебошанд. Бозор зиёда аз 300 ҷойи нишаст дошта,  ба таври шабонарӯзӣ фаъолият мекунад.

Ҳамарӯза аз хоҷагиҳои деҳқонии атрофи шаҳри Душанбе ва дигар шаҳру ноҳияҳо ба ин бозор маҳсулоти тару тозаи кишоварзӣ ворид мегардад.

Январь 15, 2021 08:33

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид