Дар хоҷагиҳои кишоварзии Суғд корҳои яхобмонӣ ҷараён доранд
ДУШАНБЕ, 10.01.2021. /АМИТ «Ховар»/. Имсол тибқи нақша, бояд дар 210 525 гектар майдонҳои кишоварзии хоҷагиҳои вилояти Суғд корҳои шудгоркунӣ, дар 14000 гектар корҳои яхобмонӣ ва дар 1000 гектар шӯршӯӣ гузаронида шаванд. Ҳоло дар самти сари вақт омода намудани заминҳои корам ба мавсими баҳорӣ, вусъат бахшидани ҷараёни корҳои агротехникии саҳроӣ, гузаронидани шудгори замин, яхобмонӣ ва шӯршӯӣ корҳо хуб ба роҳ монда шудаанд.
Тавре муовини сардори Сарраёсати кишоварзии вилояти Суғд Рустам Ҷалолов ба хабарнигори минтақавии АМИТ «Ховар» иттилоъ дод, то 7 январ дар майдони кишоварзии 10 ноҳияи вилоят дар масоҳати 14 633 гектар корҳои яхобмонӣ ва 5 ноҳия дар масоҳати 1417 гектар корҳои шӯршӯӣ гузаронида шудаанд, ки ин нишондиҳанда ба 104,5 ва 141,7 фисади нақша баробар мебошад. Вусъати саривақтии иҷрои корҳо дар ин самт бештар дар ноҳияҳои Бобоҷон Ғафуров, Деваштич, Исфара, Конибодом, Панҷакент, Спитамен ва Ҷаббор Расулов ба назар мерасад.
Ҳамзамон то ин муддат дар миқёси 14 шаҳру ноҳияҳои кишоварзии вилоят аз майдони умумии 210 ҳазору 525 гектар дар 142 ҳазору 079 гектар шудгор гузаронида шудааст, ки ба 67,5 фоизи иҷрои дурнамо баробар аст. Аз ҷумла, корҳои шудгоркунӣ дар ноҳияҳои Бобоҷон Ғафуров, Ҷ.Расулов, Конибодом, Айнӣ, Кӯҳистони Мастчоҳ, Панҷакент ва Спитамен хуб ба роҳ монда шудаанд.
Инчунин баҳри сари вақт ба иҷро расонидани корҳои агротехникии саҳроӣ 261 адад тракторҳои шудгоркунанда ҷалб гардидаанд.
АКСҲО аз АМИТ «Ховар»
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
Рақамикунонии соҳаи замин дар Тоҷикистон бо ҳайати Бонки рушди Осиё баррасӣ шуд
