Дар Япония мошини барқии бениҳоят дастрасро бо қимати 33 ҳазор сомонӣ месозанд

ДУШАНБЕ, 28.01.2021 /АМИТ «Ховар»/. Дар бозори мошинсозии Япония дар ояндаи наздик як қатор мошинҳои барқии дастрасро пешниҳод мекунанд, вале талабот ба моделҳои нав ба таври қобили эҳсос зиёд хоҳад буд. Тавре АМИТ «Ховар» иттилоъ медиҳад, ин маълумотро бузургтарин нашрияи тиҷоратии кишвар Никей бо истинод ба  Сигенобу Нагамори — раис ва сарвари иҷроияи ширкате, ки агрегатҳои қудратии Nidec -ро истеҳсол мекунад, интишор додааст.

Масалан, Нагамори аз мошини барқии чинии Wuling Mini EV ёдовар шуд, ки кам намудани арзиши он то 4300 доллар (49.060.37 сомонӣ бо қурби асъор то 28 январ — эзоҳи АМИТ «Ховар») муяссар шудааст. Дар бозори мошинҳои Чин ба ин мошин нисбат ба Tesla Model 3 талабот бештар аст.

Ёдовар мешавем, ки мошини хурдакаки Mini Mini EV ҷузвдони бағоҷ надорад, аммо дар он чор одами калонсол ҷой мешаванд. Дар зери капоти автомобил муҳаррики барқӣ бо иқтидори 27 қувваи асп насб шудааст. Суръати ҳадди баланди мошин 100 км/соат аст. Захираи неруи барқи он барои ​​170 км кифоят мекунад.

Мувофиқи маълумоти Nikei, дар ояндаи наздик дар бозор метавонанд мошинҳои барқӣ бо қимати 2900 доллар пайдо шаванд (бо қурби асъор то 28 январ, тақрибан 33 087,23 сомонӣ — эзоҳи АМИТ «Ховар»).

Чунин воситаҳои нақлиёти арзон метавонанд сабаби афзоиши бесобиқаи талабот ва ба маротиб зиёд шудани фурӯши онҳо гарданд.

                                                                       АКСИ: Nikei