Дастаи Хуҷанд ғолиби даври вилоятии Спартакиадаи варзишии хонандагони муассисаҳои таълимӣ аз рӯйи намуди шоҳмот гардид

Январь 11, 2021 10:41

 ДУШАНБЕ, 11.01.2021 /АМИТ «Ховар»/.  Дар озмоишгоҳи инноватсионии Маркази таҳсилоти иловагии вилояти Суғд даври вилоятии Спартакиадаи варзишии хонандагони муассисаҳои таълимӣ аз рӯйи намуди шоҳмот баргузор гардид. Дар натиҷаи ҷамъбасти озмун дастаи хонандагони муассисаҳои таълимии ноҳияи Ҷаббор Расулов ва дастаи хонандагони муассисаҳои таълимии шаҳри Хуҷанд (дастаи №1) аз худ маҳорати хуб нишон дода,  ба даври ниҳоӣ роҳхат гирифтанд. Рақобати ниҳоии озмун хеле шавқовар доир гардида, дар натиҷа дастаи шаҳри Хуҷанд пирӯз шуд. Ба ин тартиб, дастаи хонандагони муассисаҳои таълимии ноҳияи Ҷаббор Расулов мақоми дуввум ва дастаи хонандагони муассисаҳои таълимии шаҳри Хуҷанд (дастаи №2) мақоми сеюмро касб намуданд.

Тавре аз  маркази матбуоти Раиси шаҳри Хуҷанд ба АМИТ «Ховар» иттилоъ доданд, ба ғолибони озмун Ҷом, медалҳои ифтихорӣ ва диплому сипосномаҳо супорида, инчунин дастаҳои шаҳрҳои Истаравшан, Конибодом ва ноҳияи Ашт барои нишон додани маҳорати хуб бо Сипосномаи Раёсати маорифи вилояти Суғд  қадршиносӣ карда шуданд.

«Спартакиадаи варзишии хонандагони муассисаҳои таълимӣ дар доираи нақшаи чорабиниҳои таътили зимистонаи Маркази таҳсилоти иловагии вилояти Суғд баргузор шуда, дар даври вилоятии озмун 23 дастаи беҳтарин иштирок намуданд.

Дар даври вилоятии озмун дастаҳо аз шаҳри Хуҷанд, Гулистон, Бӯстон, Конибодом, Истиқлол, Истаравшан, Исфара, Деваштич, Ашт, Зафаробод, Ҷаббор Расулов, Спитамен, Бобоҷон Ғафуров, Мастчоҳ ва Мактаби Президентӣ барои хонандагони болаёқат дар шаҳри Бӯстон иштирок намуданд”,-афзуд манбаъ.

Январь 11, 2021 10:41

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад