Олимон дар мавриди монеаи табиии коронавирус ҳикоят карданд

Январь 29, 2021 13:43

ДУШАНБЕ, 29.01.2021 /АМИТ «Ховар»/. Ҳормони мелатонин, ки дар шуши инсон коркард мешавад, метавонад ҳамчун монеа алайҳи сирояти коронавирус амал кунад. Тавре АМИТ «Ховар» бо истинод ба «Известия» хабар медиҳад, дар ин бора натиҷаи таҳқиқоти олимони Донишгоҳи Сан-Паулуи Бразилия, ки дар маҷаллаи Melatonin Research нашр шудааст, шаҳодат медиҳад.

Муҳаққиқон қобилияти мелатонинро барои муқовимат бо тундии генҳои масъули кодкунии сафедаҳо дар нуқтаҳои вурудии вирус — ҳуҷайраҳои алвеолаҳои бинӣ ва шуш ва эпителияҳо ошкор кардаанд. Бо туфайли ин хусусият, гормон раванди сироятёбии ин бофтаҳоро манъ мекунад. Вирус тавсеа наёфта, чанд рӯз дар роҳҳои нафаскашӣ мемонад ва сипас барои ёфтани ҳомили дигар меравад.

Муаллифони таҳқиқот тахмин мекунанд, ки маҳз ҳамин тамоюл имкон медиҳад бифаҳмем, ки чаро баъзе одамон ҳангоми тамос бо ҳомилони SARS-CoV-2 сироят намеёбанд, дигарон бошанд онро бидуни нишона  мегузаронанд, ҳатто дар сурати мавҷуд будани озмоиши мусбати ПТСР-тест. Олимон инчунин тахмин мекунанд, ки спрейҳо ва доруҳои дорои мелатонин, ки дар бинӣ чаконида мешаванд, метавонанд монеи роҳи бад шудани саломатии беморон шаванд.

Илова бар ин, олимон боварӣ доранд, ки чунин механизми амалкарди  мелатонини шуш бояд дар муқобили дигар бемориҳои вирусии роҳҳои нафаскашӣ, аз ҷумла зуком низ муассир бошад.

Таҳқиқоти қаблӣ нишон додааст, ки мелатонине, ки дар шуш коркард мешавад, нуқтаҳои вурудии заррачаҳои сахтро аз ҳавои ифлос тағйир медиҳад ва нуфузи онҳоро ба бадан суст мекунад. Бидуни аксуламали гормон, заррачаҳои ҳангоми нафаскашӣ ба бинӣ дохилшуда метавонанд ҳатто ба мағзи сар бирасанд. Дар таҳқиқоти кунунӣ таҷрибаи монанд ба коронавирус низ гузаронида шудааст.

Олимон намунаҳои шушҳои одамони солимро омӯхта, муайян карданд, ки дараҷаи истеҳсоли мелатонин ба сатҳи тундии генҳо, ки вуруди вирусро ба организм назорат мекунанд, робитаи мустақим дорад. Дар ҳолатҳое, ки индекси мелатонин баланд бошад, гормон нуқтаҳои вуруди SARS-CoV-2-ро ба шуш мебандад.

Моҳи ноябр иммунолог-аллерголог Владимир Болибок гуфта буд, ки бо он сабаб мардон сирояти коронавирусро вазнинтар мегузаронанд, ки ин ба таъсири гормонҳои ҷинсӣ ва хусусияти фаъолияти системаи эминии бадани онҳо вобастагӣ дорад. Тибқи гуфтаи ӯ, гормонҳои ҷинсии занона — эстрогенҳо ба воридшавии антителаҳо ба ҳуҷайраҳо мусоидат мекунанд. Гузашта аз ин, гормонҳои мардонаи тестостерон чунин хосият надоранд.

                                                          АКСИ: РИА «Новости»

Январь 29, 2021 13:43

Хабарҳои дигари ин бахш

Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад