«Равшан» ва «Хуҷанд» дар Ҷоми КФО бо ҳам бозӣ намекунанд

Январь 24, 2021 09:57

ДУШАНБЕ, 24.01.2021 /АМИТ «Ховар»/. Конфедератсияи футболи Осиё таркиби сабадҳоро барои қуръакашии марҳилаи гурӯҳии Ҷоми КФО-2021 муайян кард.

Тавре АМИТ «Ховар» бо истинод ба Федератсияи футболи Тоҷикистон хабар медиҳад, имсол шумораи иштирокчиёни Ҷоми КФО дар минтақаи марказӣ зиёд гардид. Ҳоло дар ин минтақа ба ҷуз аз намояндагони Тоҷикистон, Туркманистон ва Қирғизистон як клуб аз Ӯзбекистон ҳунарнамоӣ хоҳад кард. Ҳафт дастаи Осиёи Марказӣ дар Ҷоми КФО-2021 рақобатро  аз марҳилаи гурӯҳӣ оғоз мекунанд. Мувофиқи натиҷаҳои қуръакашӣ, ки 27 январ баргузор мешавад, як гурӯҳ аз чор даста ва як гурӯҳи дигар иборат се даста ташкил карда мешавад. Ғолибони гурӯҳҳо дар финали минтақавӣ бозӣ мекунанд.

Ғолиби Ҷоми Тоҷикистон-2020 “Равшан»-и Кӯлоб ҳангоми қуръакашии Ҷоми КФО-2021 дар сабади аввал буда, бешубҳа, дар марҳилаи гурӯҳӣ бо намояндаи Ӯзбекистон бозӣ намекунад. Барандаи медалҳои нуқраи чемпионати Тоҷикистон дар мавсими гузашта- «Хуҷанд» дар сабади сеюм ҳамроҳ бо «Аҳал»-и Туркманистон аст ва дар марҳилаи гурӯҳӣ рақибони “Хуҷанд” “Алтин Асир”-и Туркманистон, намояндаи Ӯзбекистон ва “Дордой” ё “Олой” аз Қирғизистон хоҳанд буд.

Дар минтақаи марказӣ тибқи муқаррароти Ҷоми КФО, ду намояндаи як кишвар наметавонанд дар як гурӯҳ бошанд. Агар “AГMK” ба марҳилаи гурӯҳии Лигаи чемпионҳои КФО-2021 дохил шавад, барандаи медали нуқраи чемпионати Ӯзбекистон “Насафи” Қаршӣ дар Ҷоми КФО-2021 рақобат хоҳад кард.

Ҳайати сабадҳо барои қуръакашии марҳилаи гурӯҳии Ҷоми КФО-2021 дар минтақаи марказӣ:

Сабади 1: “АГМК” (ё “Насафи” Ӯзбекистон), “РАВШАН” (ТОҶИКИСТОН).

Сабади 2: “Олтин Асир” (Туркманистон), “Дордой” (Қирғизистон).

Сабади 3: “ХУҶАНД” (ТОҶИКИСТОН), “Аҳал” (Туркманистон).

Сабади 4: “Алай” (Қирғизистон).

АКС аз ФФТ

Январь 24, 2021 09:57

Хабарҳои дигари ин бахш

Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад
ФУТБОЛ. Бозии дӯстона байни дастаҳои мунтахаби наврасони Тоҷикистон ва Узбекистон мусовӣ анҷом ёфт