Сокинони Турсунзода ҷашни бузурги Садаро ба ҳамдигар шодбош гуфтанд

Январь 25, 2021 13:37

ТУРСУНЗОДА, 25.01.2021 /АМИТ «Ховар»/. Дар назди Кохи «Дӯстӣ»-и  шаҳри Турсунзода бо иштироки масъулини ҳукумат, кишоварзон, ҳунармандон, ва доираи васеи сокинон бо шукӯҳу шаҳомат, шодию сурур, гулханфурӯзӣ, рақсу таронаҳо, оростани хони пурнозу неъмат ҷашни суннатии Сада таҷлил гардид.  Иштирокчиёни маросим, аз ҷумла кишоварзон аз фарорасии ҷашни бузурги бостонии Сада ҳушҳолӣ намуда, дар ин рӯз ҳамдигарро шодбош гуфтанд.

Тавре котиби матбуоти раиси шаҳри Турсунзода Фирӯз Холиқов ба хабарнигори АМИТ  «Ховар» иттилоъ дод, дар намоишгоҳи ҷашни Сада  дастовардҳои сокинони шаҳр дар даврони соҳибистиқлолӣ ба маърази тамошо  гузошта шуда, гӯшаеро боғдорону хоҷагидорони шаҳр бо номгӯи зиёди ниҳоли дарахтони ороишӣ, ҳамешасабз, мевадиҳанда, гулу буттаҳои гуногун, тухмии  зироат ба сокинони шаҳр пешниҳод намуда буданд. Ба намоиш гузоштану пешниҳоди сокинон намудани  маҳсулоти фаровон дар таҷлили ин ҷашни ниёгон далели рушди   соҳаи кишварзӣ  дар шаҳри Турсунзода мебошад.

Дар маросими бошукӯҳ зикр гардид, ки Сада – ин мавсими омодагӣ ба кишту кори баҳорист. Ҳангоми фаро расидани ин ҷашни бостонӣ деҳқонон ба такопӯ даромада, ба баҳор омодагӣ мегиранд, техникаҳои кишоварзӣ таъмир шуда, ба мавсими нави кишту кор тайёр карда мешаванд.

Дар намоишгоҳи ҷашнӣ намудҳои зиёди техникаву механизм ва дигар мошинолоти кишоварзӣ, ки барои кишту кори баҳорӣ омодаанд, ба маъраз гузошта шуданд. Ин аз тайёрии ҳамаҷонибаи хоҷагидорони шаҳр ба мавсими кишту кори баҳорӣ дарак медиҳад.

Дар ҷашни Сада ҳамчунин гӯшаҳои машваратӣ амал намуда, аз ҷониби мутахассисони соҳибтаҷриба ба кишоварзон, дар маҷмӯъ иштирокдорони намоишгоҳ тарзи дурусти агротехникаи парвариши зироати кишоварзӣ, боғу токпарварӣ ва дигар нозукиҳои соҳа шарҳ дода шуд.

Январь 25, 2021 13:37

Хабарҳои дигари ин бахш

Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд