ТАВСИЯИ МУТАХАССИС. Яхобмонӣ ва обмонии захиравӣ аз ҷумлаи тадбирҳои муҳими агротехникӣ дар фасли зимистонанд

Январь 6, 2021 12:28

ДУШАНБЕ, 06.01.2021. /АМИТ «Ховар»/.  Яке аз роҳҳои ба даст овардани ҳосили фаровон-ин гузарондани обмонии захиравӣ ва яхобмонии  боғот дар фасли сармо мебошад. Яхобмонӣ ва обмонии захиравӣ аз ҷумлаи тадбирҳои муҳими агротехникӣ дар фасли зимистон ба ҳисоб рафта, кишоварзон бо ин роҳ метавонанд ба захиракунии намӣ, нест кардани ҳашароту зараррасонҳо, баланд бардоштани ҳосилхезии замин, ба даст овардани маҳсулоти босифат ва меваҳои лазизу шаҳдбор замина гузоранд. Чунин тавсия медиҳад директори Институти боғпарварию сабзавоткории Академияи илмҳои кишоварзии Тоҷикистон, доктори илмҳои кишоварзӣ Ҳикматулло Назиров ба деҳқонони мамлакат.

Ба гуфти ҳамсуҳбати мо, дар фасли зимистон новобаста аз баланд ё паст будани ҳарорати ҳаво бояд дар заминҳои кишоварзӣ обмонии захиравӣ ва яхобмонӣ гузаронида шаванд.

«Агар боғпарварон дар зери дарахтон яхоб монда бошанд, дар сурати пеш омадани гармӣ дар фасли баҳор он дарахтонро аз гулкунии барвақтӣ нигоҳ медорад. Зеро дар шароити иқлими мамлакати мо аксари дарахтон, аз ҷумла бодому зардолу аз таъсири гармӣ барвақттар гул мекунанд, ки ин албатта, зарар дорад»,- афзуд коршиноси соҳа.

-Дар робита ба сард омадани зимистони имсола ҳамсуҳбати мо ба боғпарварон тавсия медиҳад, ки ҳангоми сардии зимистон яхобмонӣ ба маҳвшавии тухму зочаи манбаи сирояти боғу токзор- зараррасонҳо ва занбурӯғу бактерияҳо мусоидат менамояд. Инчунин дар сурати мондани яхоб ҳосилнокии боғҳои  себ то 70 — 100, олу 50 — 60, олуболу 60 — 80 ва зардолу то  90-100 фоиз зиёд мегардад. Яхобро пас аз рехтани барги дарахтон, моҳҳои декабр — феврал бо меъёри 1000 — 1300 метри мукааб об ду маротиба додан зарур аст. Меъёри  яхобмонӣ аз намнокии хоки майдон, тагпайванди дарахтон, баландии сатҳи обҳои зеризаминӣ ва сохтори хок вобаста мебошад,- тавсия медиҳад ҳамсуҳбати мо.

Ҳикматулло Назиров зикр намуд, ки «кишоварзон набояд фаромӯш созанд, ки яхобмонӣ низ монанди обмонии баҳорӣ бояд муътадил гузарад. Чунки аз ҳад зиёд шудани намнокӣ боиси косташавии қобилияти обу ҳавогузаронии хок мегардад. Инчунин дар заминҳои сатҳи оби зеризаминиашон баланд яхобмонӣ тавсия дода намешавад, зеро расидани оби полезӣ ба оби зеризаминӣ боиси боло баромадани намакҳои таркиби оби зеризаминӣ гардида, эҳтимоли хушкшавии дарахту буттаҳо зиёд мешавад. Аҳамияти яхобмонӣ дар мавзеъҳои камоб дучанд аст. Бо роҳи яхобмонӣ деҳқонон метавонанд дар давраи зимистон дар хок намнокии зиёд  захира кунанд. Оби захирашударо дарахтон фасли тобистон пурра истифода мебаранд».

Ба гуфтаи мутахассисону олимони соҳа, обмонии захиравӣ ва яхобмонӣ на танҳо барои парвариши боғу ток, балки барои ҳамаи зироати кишоварзӣ, аз ҷумла пахта, ки дар фасли баҳор кишт мешавад, зарур ва муҳим аст.

Январь 6, 2021 12:28

Хабарҳои дигари ин бахш

Барои истифодаи сарфакоронаи неруи барқ дар шаҳру навоҳии тобеи ҷумҳурӣ корҳои фаҳмондадиҳӣ мегузаронанд
Дар Боку Форуми байналмилалӣ доир ба рушди омор оғоз гардид
ҲАҶМИ ИСТЕҲСОЛИ ГӮШТ ДАР ТОҶИКИСТОН 10 ФОИЗ ЗИЁД ГАРДИД. Чаро нархи гӯшт дар бозори истеъмолӣ пайваста боло меравад?
Ҷаласаи нуздаҳуми Кумитаи ҳамоҳангсоз оид ба содагардонии расмиёти савдо баргузор гардид
Дар Тоҷикистон ба соҳаи сохтмон зиёда аз 16 миллиард сомонӣ сармоягузорӣ равона карда шудааст
Тоҷикистон ва Барномаи рушди СММ ҳамкориро дар самти муқовимат ба коррупсия густариш медиҳанд
Ҳоким Холиқзода бо Вазири меҳнат ва таъминоти иҷтимоии Ҷумҳурии Туркия Ведат Ишикхан мулоқот намуд
Ангури Тоҷикистон дар вилояти Пензаи Русия талабгорони зиёд пайдо намуд
Масъалаи иштироки Тоҷикистон дар ташаббусҳои марбут ба иқлим ва саломатӣ баррасӣ шуд
Ба кормандони соҳаи барқи пойтахт 5 мошини барқӣ тақдим карда шуд
Гӯсфанди хоҷагии «Сим-Сим» бо вазни қариб 190 кило сазовори «Шоҳҷоиза»-и Фестивал-намоиши «Гӯсфанди зоти ҳисорӣ» гардид
Кишоварзони вилояти Суғд беш аз 131 ҳазор тонна пахта ҷамъоварӣ менамоянд