Агентии содирот феҳристҳои содироти маҳсулоти кишоварзӣ ва саноатиро таҳия намуд

Февраль 20, 2021 10:15

ДУШАНБЕ, 20.02.2021 /АМИТ «Ховар»/. Соли сипаригардида  Агентии содирот ҷиҳати диверсификатсияи маҳсулоти содиротӣ, инчунин дақиқ муайян намудани имконияти содиротии кишвар феҳристҳои содироти маҳсулоти кишоварзӣ ва саноатиро таҳия намуд, ки тибқи дастури дахлдори Ҳукумати Ҷумҳурии Тоҷикистон барои корбарӣ ба сохторҳои соҳавӣ пешниҳод гардидааст. Ҳамчунон феҳристҳои субъектҳои содироткунандаи маҳсулоти кишоварзию саноатӣ таҳия шуданд, ки айни замон дар баррасии Ҳукумати Ҷумҳурии Тоҷикистон қарор доранд.

Дар ин бора  директори Агентии содироти назди Ҳукумати Ҷумҳурии Тоҷикистон Шавкат Бобозода  19 феврал зимни нишасти матбуотии ин ниҳод хабар дод.

Мақсад аз таҳияи ҳуҷҷатҳои зикргардида дақиқ муайян кардани имконияти содиротии кишвар буда, барои  дар сатҳи зарурӣ муаррифӣ кардани молу маҳсулоти содиротӣ мусоидат менамояд.

Дар самти содагардонии расмиёти савдо Агентӣ бо вазорату идораҳои дахлдор тадбирҳои зеринро амалӣ намуда истодааст.

Тибқи розигии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва супориши муовини якуми Сарвазири Ҷумҳурии Тоҷикистон ҷиҳати гузариш ба Низоми содироткунандагони бақайгирифташудаи Иттиҳоди Аврупо тадбирҳои дахлдор сари вақт амалӣ шуданд, ки дар натиҷа сертификати гузариш ба низоми мазкур 1 декабри соли 2020 ба Ҷумҳурии Тоҷикистон дастрас карда шуд.

Ҳамзамон Агентии содирот  мақоми ваколатдори давлатӣ доир ба низоми содиркунандагони бақайдгирифташудаи Иттиҳоди Аврупо (Registered Exporter System) муайян гардид.

Айни замон пешбурди кори Низоми содироткунандагони бақайдгирифташудаи Иттиҳоди Аврупо аз ҷониби Агентии содирот ройгон ба роҳ монда шуда, бақайдгирии содироткунандагон дар он тариқи электронӣ амалӣ шуда истодааст, ки ба ҳадафҳои болозикр яъне ҳавасмандгардонӣ (бе пардохти маблағ — ройгон), содагардонии расмиёти савдо (ба тариқи электронӣ — бо сарфи вақт ва хароҷот) мусоидат менамояд.

Февраль 20, 2021 10:15

Хабарҳои дигари ин бахш

Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
Рақамикунонии соҳаи замин дар Тоҷикистон бо ҳайати Бонки рушди Осиё баррасӣ шуд