«Амонатбонк» қарзи ипотекиро фаъол месозад
ДУШАНБЕ, 10.02.2021 /АМИТ «Ховар»/. «Амонатбонк» шурӯъ аз шашмоҳаи дуюми соли 2021 пешниҳоди қарзҳои ипотекиро ба роҳ мемонад. Дар ин бора 9 феврал Раиси Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ дар нишасти матбуотии ниҳодаш иттилоъ дод. Ӯ дар ҳамин робита гуфт, ки барои он ки қарзи дарозмуддат дода шавад, сарчашма ё худ амонати дарозмуҳлат зарур аст.
«Он бонкҳое бо ин намуди қарз сару кор мегиранд, ки бояд сармояи худӣ ё пасандозҳои дарозмуҳлат дошта бошанд. Амонатҳое, ки дар низоми бонкии кишвар гузошта мешаванд, мутаассифона, хусусияти кӯтоҳмудат- аз 1 то 3 сол доранд, ки самаранокии корро дар ин ҷода паст мекунанд. Аз ин хотир «Амонатбонк» вобаста ба имконияти молиявияш нақша дорад аз ҳисоби сармояи худӣ пешниҳоди қарзи ипотекиро барои шаҳрвандон роҳандозӣ намояд»,- гуфт С. Икромӣ.
Қобили зикр аст, ки ҳанӯз 13 сол қабл, яъне соли 2008 Қонуни Ҷумҳурии Тоҷикистон “Дар бораи ипотека” қабул шудааст. Қонуни мазкур тамоми муносибатҳои қарздеҳу қарзгирро, ки бо гарави молу мулки ғайриманқул тибқи тартиби муқаррарнамуда ба расмият дароварда мешавад, танзим мекунад. Ҳамчунин қарздиҳии манзил (ипотека) ва фаъолияти ташкилоти қарзӣ дар самти қарздиҳии ипотекӣ дар доираи ҳамин қонун амалӣ карда мешаванд. Имрӯз ташкилоти қарзӣ бо риояи қонуни мазкур фаъолият дошта, ба аҳолии кишвар қарзҳои ипотекӣ пешниҳод намуда истодаанд.
Ба иттилои сардори шуъбаи матбуоти Бонки миллии Тоҷикистон Мавҷуда Ҳасанова, соли 2020 барои мизоҷон аз ҷониби ташкилоти қарзӣ ба маблағи 102,9 млн. сомонӣ қарзи ипотекӣ пешниҳод шудааст, ки дар муқоиса ба соли 2019 17,1 млн. сомонӣ зиёд мебошад.
Бояд гуфт, ки дар кишварҳои пешрафтаи ҷаҳон барои аҳолии миёнаҳол ягона воситаи соҳиби хона шудан маҳз қарзҳои ипотекӣ маҳсуб мешаванд. Дар Ҷумҳурии Тоҷикистон низ аксарият хоҳиши доштани манзили беҳтар доранд, вале барои ин маблағи кофӣ намеёбанд. Дар чунин вазъ қарзҳои ипотекӣ ягона роҳи амалишавии орзуҳо барои соҳиби манзил шудан мебошанд. Вале бо таваҷҷуҳ ба он, ки фоизи қарзҳо дар ҷумҳурӣ баланду муҳлаташон хеле кӯтоҳ аст, самаранокии ин навъи қарзҳо ғайриимкон мебошад.
Ба андешаи таҳлилгарони масъалаҳои иқтисодӣ, дар сурати аз 10 % боло будани қарзи ипотекӣ самаранокии он зери суол аст.
Абдураҳими АБДУҚАҲҲОР,
АМИТ «Ховар»
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
