Барномаи нави бисёрсолаи индикативии Иттиҳоди Аврупо барои солҳои 2021-2027 муаррифӣ шуд
ДУШАНБЕ, 06.02.2021 /АМИТ «Ховар»/. 5 феврал бо роҳбарии Вазири рушди иқтисод ва савдои Ҷумҳурии Тоҷикистон Завқӣ Завқизода ва иштироки роҳбарияти вазорату идораҳо ҷаласа дар шакли видеоконфронс баргузор шуд, ки дар он Барномаи нави бисёрсолаи индикативии Иттиҳоди Аврупо барои солҳои 2021-2027 муаррифӣ гардид.
Тавре АМИТ «Ховар» бо истинод ба Вазорати рушди иқтисод ва савдо хабар медиҳад, дар ҷаласа З. Завқизода зикр кард, ки бо шарофат ва иродаи олии сиёсии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамкории стратегии кишварҳои мо ба сатҳи баланд баромада, самтҳои афзалиятнокро дар бар мегиранд.
Таъкид гардид, ки Барномаи нави бисёрсолаи индикативии Иттиҳоди Аврупо барои солҳои 2021-2027 ба самтҳои афзалиятнок, аз ҷумла иқтисоди сабз ва фарогир, рушди сармояи инсонӣ ва идоракунии захираҳои табиӣ, самаранокӣ ва тобоварӣ равона мегардад.
Ҳамзамон Вазири рушди иқтисод ва савдои ҷумҳурӣ аз Иттиҳоди Аврупо дархост кард, ки бо назардошти паҳншавии пандемияи коронавируси COVID-19 ва таъсири он дар ҷаҳон ба соҳаи иқтисоди миллӣ ҳаҷми маблағгузории барномаи мазкур назаррас зиёд карда шавад.
Инчунин пешниҳод гардид, ки афзалияти стратегию барномавии Ҳукумати ҷумҳурӣ, маблағгузории буҷети давлатӣ ва рушди устувории иқтисодию иҷтимоӣ ба Барнома ворид карда шаванд.
Лоиҳаи Барномаи нави бисёрсолаи индикативии Иттиҳоди Аврупо барои солҳои 2021-2027 то охири моҳи феврали соли 2021 ба баррасии Комиссияи Иттиҳоди Аврупо дар шаҳри Брюссел бо назардошти таклифҳои ҷониби Тоҷикистон пешниҳод карда мешавад.
Бояд тазаккур дод, ки Иттиҳоди Аврупо дар доираи барномаи қаблии худ барои солҳои 2014-2020 ба Тоҷикистон 251 миллион евро ҷудо намуда, инчунин бо назардошти паҳншавии пандемияи коронавирус иловатан 48 миллион евро маблағҳои грантиро ба соҳаҳои иҷтимоӣ ҷудо кард.
Дар анҷоми машварат ҷонибҳо барои боз ҳам густариш додани ҳамкории судманд изҳори омодагӣ намуданд.
АКСҲО аз Вазорати рушди иқтисод ва савдои ҶТ
Душанбе мизбони нахустин Форуми байналмилалии нассоҷӣ ва Намоишгоҳи таҷҳизот ва маҳсулоти нассоҷӣ мегардад
Дар Маркази тадқиқоти стратегӣ масъалаи рушди соҳибкорӣ ва бахши хусусиро баррасӣ намуданд
Тоҷикистон ва Созмони ҳамкории иқтисодӣ ва рушд дар бахши инфрасохтори роҳ ҳамкории минтақавиро густариш медиҳанд
ХУШКМЕВАҲОИ ТОҶИКИСТОН. Имсол аз Тоҷикистон беш аз 41 ҳазор тонна меваи хушк содирот шудааст
Дар Остона дуюмин вохӯрии роҳбарони Идораҳои патенти давлатҳои Осиёи Марказӣ ва Чин доир гардид
Таҳти раëсати муовини Сарвазир оид ба пешгирии талафоти неруи барқ ҷаласаи корӣ баргузор гардид
То нимаи аввали моҳи июн дар Тоҷикистон беш аз 40 ҳазор тонна ангур ҷамъоварӣ гардидааст
Гулҳои мавсимии парваришнамудаи корхонаи «Шаҳри зебои мо» кӯчаю хиёбонҳои Норакро ороиш медиҳанд
Намояндаи Тоҷикистон дар машварат вобаста ба рушди технологияҳои иттилоотию коммуникатсионии давлатҳои аъзои СҲШ иштирок намуд
Дар «Боғи Ирам» ҷашни Тиргон бо баргузории Иди зардолу ва намоиши «Хушкмеваҳои Тоҷикистон» таҷлил мегардад
Корхонаи тухмипарварии ноҳияи Файзобод ба кишоварзон 400 тонна тухмиҳои гуногуни картошка пешниҳод намуд
Дар шаҳри Душанбе намоишгоҳи ҷойҳои кории холӣ баргузор карда шуд
