Бо назардошти пандемия варзишгарони Тоҷикистон аз мусобиқаҳои сатҳи байналмилалӣ 124 медал ба даст оварданд

Февраль 16, 2021 15:45

ДУШАНБЕ, 16.02.2021 /АМИТ «Ховар»/. Имрӯз зимни нишасти матбуотӣ раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода ба хабарнигорон иттилоъ дод, ки соли гузашта 232 нафар варзишгарони тоҷик бо назардошти вазъияти пандемияи коронавирус дар мусобиқаҳои сатҳи байналмилалӣ иштирок намуда, ба хазинаи варзишии мамлакат 124 медал ворид намуданд.

Ба зикри мавсуф, агар дар зарфи 70 соли даврони Шӯравӣ варзишгарони тоҷик дар мусобиқаҳои сатҳи байналмилалӣ 133 медал (113 медали тилло, 9 медали нуқра ва 12 медали биринҷӣ) ба даст оварда бошанд, дар даврони соҳибистиқлолии мамлакат ин рақам ба 5743 адад (1797 медали тилло, 1507 медали нуқра ва 2439 медали биринҷӣ) расидааст.

«Кумитаи кор бо ҷавонон ва варзиш дар соли 2020 баҳри таъмини оммавияти тарбияи ҷисмонӣ ва варзиш, ташвиқу таблиғи тарзи ҳаёти солим, ҷалби бештари наврасону ҷавонон ба варзиши касбӣ ва муҳайё намудани имконияти мусоиди инфрасохторию ташкилӣ барои варзишгарон, ки ҳамеша зери таваҷҷуҳи хоссаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад, дар доираи ваколатҳои худ якчанд тадбирҳоро роҳандозӣ намуд.

Мувофиқи маълумоти оморӣ, имрӯз дар мамлакат 10 ҳазору 220 иншооти варзишӣ новобаста аз шакли моликияташон ба қайд гирифта шудаанд, ки ба инҳо 122 варзишгоҳ, 7326 майдончаи варзишӣ, 1829 толорҳои варзишӣ, 96 ҳавзҳои шиноварӣ, 40 маҷмаа ва 807 иншооти махсуси варзишӣ, аз қабили тир, боулинг, фитнес ва клубҳои ихтиёрӣ дохил мешаванд.

-Шумораи иншооти варзишӣ дар 30 соли соҳибистиқлолӣ беш аз 10  маротиба зиёд гардидааст,- гуфт Абдулло Раҳмонзода.

Февраль 16, 2021 15:45

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад