Чор нафар санъаткорони навраси шаҳри Хоруғ ба даври ниҳоии шоу-барномаи озмунии «Парвин» роҳхат гирифтанд

Февраль 11, 2021 11:49

ХОРУҒ, 11.02. 2021 /АМИТ «Ховар»/. Дар даври вилоятии шоу- барномаи озмунии «Парвин» 16 нафар санъаткорони наврас ширкат доштанд ва танҳо ба чор нафари онҳо- Меҳрангези Мамадазиз, Ангелинаи Асрор, Илионораи Муборакшоҳ ва Шукронаи  Мирзоазиз муаяссар шуд, ки  ба даври ҷумҳуриявӣ роҳхат гиранд.

Тавре мухбири минтақавии АМИТ “Ховар” хабар медиҳад, узви ҳакамон Сабзалӣ Шоизатуллоев гуфт, ки “ҳамаи ширкаткунандагони даври дуюми шоу-барномаи «Парвин» бо маҳорату истеъдод ва сабку услуби ба худ хос ҳунарнамоӣ намуданд. Дар ҳунари аксари онҳо тақлиди беҳуда, ҳаракати ноҷӯр, имову ишораи бемаъниву мақсад эҳсос намешуд ва матлаби худро тавассути суруду мусиқӣ ва рақс  басо табиӣ, гарму самимӣ ба мухотабони худ мерасонданд. Касе агар ба ҳунари интихобнамудаи худ завқу шавқи самимӣ дошта бошаду онро бо тамоми вуҷуд рӯи саҳна орад, ҳатман дар пешаи худ пешқадам хоҳад шуд”.

Ҳакамони озмуни вилоятӣ  изҳори умед намуданд, ки санъаткорони наврас дар озмуни ҷумҳуриявӣ низ бо ҳунару истеъдоди худ табъи ҳаводорони санъатро шод хоҳанд кард.

Ҳадафи аслии Озмуни телевизионии «Парвин» аз миёни садҳо санъаткорони наврас пайдо кардани сарояндагону навозандагон, раққосони асил аст, то онҳо дар оянда тавонанд фарҳанги қадима ва пурғановати миллати  тоҷикро ба ҷаҳониён муаррифӣ намоянд. Бедор кардани ҳисси муҳаббат нисбат ба ҳунару   фарҳанг, расму суннат ва арзишҳои  миллӣ яке аз дигар мақсадҳои дастандаркорони ин озмун аст.

Озмуни телевизионии «Парвин»  бо  ибтикори телевизиони «Баҳористон» шаш сол пеш роҳандозӣ шуда, ҳоло яке аз барномаҳои дӯстдоштаи на танҳо кӯдакону наврасон, балки калонсолон низ ба шумор меравад.

Февраль 11, 2021 11:49

Хабарҳои дигари ин бахш

«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд
Намояндаи Тоҷикистон дар ҳамоиши тарғибгарони илм дар Чин иштирок намуд
Намояндаи Тоҷикистон бо ҷоизаи байналмилалии «BRICS AND SCO» сарфароз гардонида шуд
Мутахассисони Тоҷикистону Чин дар кӯҳҳои Помир корҳои илмӣ гузарониданд
Дар Душанбе рӯнамоии таҳқиқоти академик Муҳаммад Осимӣ баргузор гардид
ҲЕҶ МИЛЛАТИ ДУНЁ БА МИСЛИ «ШОҲНОМА» АСАР НАДОРАД. Беш аз 9900 хонавода дар Нуробод соҳиби туҳфаи Пешвои миллат гардиданд
Шаҳри Панҷакент бо номинатсияи сӯзанӣ ба узвияти Шурои байналмилалии ҳунармандӣ пазируфта мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. «Шоҳнома»-и безаволи Фирдавсӣ ба сокинони ноҳияи Лахш тақдим гардид
Дар пойгоҳи сейсмикии ноҳияи Лахш таҷҳизоти нав насб карда шуд
Даври сеюми Озмуни ҷумҳуриявии «Фурӯғи субҳи доноӣ китоб аст» имрӯз дар Рашт ҷамъбаст мегардад
«АНДАЛЕБ-2025». Ҳунармандони Ҳисор дар даври минтақавии фестивал-озмун соҳиби холи баланд гардиданд
«ҲОМИИ ИСТИҚЛОЛЕМ». Бо иштироки муҳофизони Ватан дар Осорхонаи миллӣ ҳамоиш доир шуд