Дар Душанбе «Конвенсияи байналмилалӣ оид ба мубориза бо амалҳои терроризми ҳастаӣ» мавриди баррасӣ қарор гирифт
ДУШАНБЕ, 26.02.2021 /АМИТ «Ховар»/. Дар шаҳри Душанбе бо иштироки вакилони Маҷлиси намояндагон, кормандони Вазорати корҳои хориҷӣ ва Вазорати адлияи Ҷумҳурии Тоҷикистон бо дастгирии дафтари зиддитеррористии Созмони Милали Муттаҳид (UNOCT) тавассути Маркази зиддитеррористии он онлайн-конференсия дар реҷаи фосилавӣ баргузор гардид. Дар ҷаласаи мазкур «Лоиҳа оид ба ҷаҳонисозӣ ва татбиқи муассири Конвенсияи байналмилалӣ оид ба мубориза бо амалҳои терроризми ҳастаӣ» мавриди баррасии ҳамаҷониба қарор гирифт. Лоиҳаи мазкур дар ҳамоҳангӣ бо дафтари СММ оид ба маводи мухаддир ва ҷинояткорӣ ва дастгирии Иттиҳоди Аврупо амалӣ мегардад.
Дар ин бора котиби матбуоти Маҷлиси намояндагон Муҳаммадато Султонов ба АМИТ «Ховар» хабар дод.
Иштирокдорон иброз намуданд, ки Конвенсияи мазкур яке аз 19 санади ҳуқуқии байналмилалие мебошад, ки барои ҷаҳонишавии режими ҳуқуқӣ бар зидди терроризм заруранд. Аз ин лиҳоз, лоиҳаи мазкур ба таҳкими ҳамкорӣ миёни парлумонҳои миллии кишварҳои аъзо ва Иттиҳоди байнипарлумонӣ ҷиҳати риояи Конвенсия ва татбиқи муассири он мусоидат мекунад.
Аъзои парлумонҳои миллӣ ҳамчун ашхоси сиёсатгузор ва роҳбарони ҷомеа дар таъмини иҷрои қатъномаҳои Маҷмаи Умумӣ ва Шӯрои Амнияти СММ оид ба мубориза бар зидди терроризм нақши муҳим мебозанд.
Тоҷикистон Конвенсияи болозикрро имзо карда, вале ба тасвиб нарасонидааст. Бинобар ин зарурати барпо намудани чунин брифинги маҷозӣ ба вуҷуд омадааст.
Дар ҷаласаи мазкур ҳамчунин таъкид карда шуд, ки баргузории ҷаласа дар Душанбе далели равшани ҳамкории байни Тоҷикистон ва Созмони Милали Муттаҳид (UNOCT) аст, ки ғояи асосии он муттаҳидӣ ва якдилии ҳамаи давлатҳои аъзои ин созмон мебошад.
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
