Дар Муъминобод дар байни қатори дарахтони боғ картошкаи лалмии барвақтӣ кишт намуданд

Февраль 15, 2021 12:02

ДУШАНБЕ, 15.02.2021 /АМИТ «Ховар»/. Кишоварзони хоҷагии деҳқонии ба номи Бобои Назари Ҷамоати деҳоти Шамсиддини Шоҳини ноҳияи Муъминобод соли дуюм аст, ки дар байни қаторҳои байни дарахтони боғ картошкаи лалмии барвақтӣ кишт менамоянд. Соли гузашта низ хоҷагидорон дар байни қаторҳои боғи мазкур картошкаи лалмии таҷрибавӣ кишт карда буданд, ки аз он ҳосили хуб ба даст омад. Аз ин рӯ онҳо имсол ҳам ин таҷрибаро ба кор мебаранд.

Тавре аз шуъбаи иттилоотию таҳлилии дастгоҳи раиси вилояти Хатлон иттилоъ доданд, раиси вилоят Қурбон Ҳакимзода зимни суҳбат бо хоҷагидорон барои истифодаи самараноки замин ва сари вақт анҷом додани кишти картошкаи барвақтӣ тавсияҳо дод.

Хоҷагии мазкур соли 2010 ташкил шуда, дорои 3 гектар замин аст.  Аз ин 1 гектараш боғи мевадиҳандаи дарахтони себ, гелос, зардолу ва нок мебошад.

Раиси вилоят аз ҷараёни корҳои барқарорсозии токзор дар мавзеи Ҷалоқи Ҷамоати деҳоти «Деҳибаланд»-и  ноҳияи Муъминобод низ  боздид кард.

Дар мавзеи мазкур корҳои барқарорсозии 200 гектар майдони токзор дар асоси дастуру ҳидоятҳои Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон оғоз гардидаанд.

Айни замон корҳои барқарорсозӣ дар 60 гектар, аз ҷумла нарм кардани бехи ниҳолҳо, шудгори байни қаторҳо ва қайчикунии ниҳолҳо идома дорад.

Дар наздикии майдони токзор соҳибкори маҳаллӣ ба барқарор намудани собиқ корхонаи истеҳсоли шароб шурӯъ намудааст. Айни ҳол корҳои сохтмонӣ дар иншооти мазкур бо ҷалби мутахассисон оғоз гардида, дар сурати ба истифода додани он тақрибан 20 нафар бо ҷойи кори доимӣ таъмин мегарданд.

Февраль 15, 2021 12:02

Хабарҳои дигари ин бахш

Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
Рақамикунонии соҳаи замин дар Тоҷикистон бо ҳайати Бонки рушди Осиё баррасӣ шуд