Дастаи миллии футболи Тоҷикистон нахустин бозии дӯстонаро дар Дубай баргузор намуд

ДУШАНБЕ, 02.02.2021 /АМИТ «Ховар»/. Дастаи миллии футболи Тоҷикистон нахустин бозии дӯстонаро дар ҷамъомади таълимиву тамринӣ дар Дубай бо дастаи  миллии Урдун баргузор кард.

Бино ба иттилои АМИТ «Ховар» бо истинод ба Федератсияи футболи Тоҷикистон, вохӯрӣ дар варзишгоҳи Ассотсиатсияи футболи Аморати Муттаҳидаи Араб баргузор шуда, бо пирӯзии урдуниҳо бо ҳисоби 2: 0 хотима ёфт.

Рӯзи ҷумъаи 5 феврал дастаҳои миллии Урдун ва Тоҷикистон бозии дуввуми дӯстонаро дар Дубай баргузор мекунанд. Ин бозӣ соати 19:00 ба вақти Душанбе оғоз мешавад.

Бозиҳои дӯстона

1 феврал (душанбе)

Урдун – ТОҶИКИСТОН  (2:0)

Дубай, варзишгоҳи Ассотсиатсияи футболи ИМА

5 феврал (ҷумъа)

Оғози бозиҳо соати 19:00

Урдун – ТОҶИКИСТОН

Дубай, варзишгоҳи Ассотсиатсияи футболи ИМА

АКС аз ФФТ