Филми «Ношунаво»-и «Телевизиони Сафина» дар 8-умин Намоиши байналмилалии кинои кӯтоҳмуддати Осиё дар Чин соҳиби ҷоизаи Golden Begonia Award гардида буд
ДУШАНБЕ, 10.02.2021 /АМИТ «Ховар»/. Яке аз дастовардҳои «Телевизиони Сафина» дар соли сипаригардида дар 8-умин Намоиши байналмилалии кинои кӯтоҳмуддати Осиё дар Чин (8th Fsian Micro Film Art Festival) соҳиби ҷоизаи Golden Begonia Award гардидани филми «Ношунаво» (Deaf) –и коргардони ҷавони шабака Усмон Юсуфов мебошад. Инчунин давоми соли гузашта дар ҳамкорӣ бо гурӯҳи эҷодии Телевизиони давлатии KBS-и Ҷумҳурии Корея филми илмию итилоотӣ оид ба ҳайвоноти нодир ва табиати нотакрори Тоҷикистон наворбардорӣ кардем ва ин филм тариқи Телевизиони KBS намоиш дода шуда, миллионҳо нафарро ба мавзеъҳои сайёҳӣ ва табиати нотакрори мамлакатамон шинос намуд. Ин матлабро имрӯз, 10 феврал зимни нишасти матбуотӣ директори Муассисаи давлатии «Телевизиони Сафина» Носир Саид ба хабарнигорон иброз дошт.
Зикр гардид, ки чун дар арафаи 30-солагии Истиқлоли давлатии Ҷумҳурии Тоҷикистон қарор дорем, ҳамарӯза дар барномаҳои иттилоотӣ аз ҷараёни омодагии шаҳру ноҳияҳо ба истиқболи сазовори ин ҷашни миллӣ, тарғибу ташвиқи дастовардҳои солҳои соҳибистиқлолӣ, корҳои сохтмонӣ дар иншооти ҷашнӣ, саҳми соҳибкорон дар ободонии маҳал ва умуман корҳои ободониву созандагӣ аз ҳама манотиқи мамлакат гузоришу барномаҳо пешниҳод карда мешаванд.
Барномаҳои “Замзамаи ободӣ”, “Дастовард” ва “Пешрафт”-и ин шабака низ мунтазам ин мавзӯъҳоро пайгирӣ мекунанд.
Озмуни «Шоҳномахонӣ» рӯйдоди муҳими фарҳангию маърифатӣ аст
1050-СОЛАГИИ РОБИАИ БАЛХӢ. Ӯ нахустин зани соҳибдевони тоҷик аст
РУШДИ ҲУНАРҲОИ МАРДУМӢ. Сӯзании Панҷакент рамзи фарҳанги миллӣ ва пешрафти ҳунарҳои дастии занони тоҷик аст
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
«ШОҲНОМАХОНӢ». Дар Хатлон барои ғолибони даври сеюми озмуни ҷумҳуриявӣ беш аз 200 ҳазор сомонӣ ҷудо гардид
«САЙРИ ГУЛИ ЛОЛА». Моҳи апрел дар Тоҷикистон Фестивали гулҳо баргузор мегардад
Таҳкими худшиносии ҷавонон тавассути тарғиби фарҳангу тамаддун ва таърихи пурғановати миллӣ амали омӯзанда аст
