Нашриёти «Адиб» дар Ҳисор ярмарка-фурӯши китоб доир намуд

Февраль 16, 2021 16:20

ДУШАНБЕ, 16.02.2021 /АМИТ «Ховар»/. Дар шаҳри Ҳисор бо ибтикори мақомоти иҷроияи ҳокимияти давлатии шаҳр дар ҳамкорӣ бо нашриёти «Адиб» ярмарка-фурӯши китоб доир гардид, ки дар он чор ҳазор китоб ба фурӯш рафт.

Ярмаркаи фурӯши китоб бо мақсади ҷалби аҳолӣ ба хондани китоб, баланд бардоштани маърифати китобхонӣ, эҳтиром нисбат ба ин ганҷинаи бебаҳо, омӯзиш ва таҳқиқи мероси таърихию фарҳангии халқи тоҷик, тарғибу ташвиқи арзишҳои волои фарҳанги миллӣ ва умумибашарӣ гузаронида шуда, зимни ифтитоҳи он Раиси шаҳри Ҳисор Шарифҷон Ҷумъазода ба масъулини Нашриёти «Адиб» барои баргузории ярмарка-фурӯши китоб арзи сипос намуд.

Мақомоти иҷроияи ҳокимияти давлатии шаҳри Ҳисор иттилоъ медиҳад, ки аз ярмарка –фурӯши китоб  ашхоси касбу кори гуногун  китобҳои нодиру писандидаро бо нархҳои дастрас хариданд. Дар ярмарка аз ҷониби Нашриёти «Адиб» 172 номгўй намунаи осори адибони классик, муосир ва ҷаҳонӣ   ба намоиш ва фурӯш гузошта шуда, аз ҷониби ҷамоатҳои шаҳраку деҳот, ҳоҷагиҳо, корхонаву муассиса ва аҳолӣ беш аз 4000 китоб харида шуд.

Адибони шинохта, шоирони халқии Тоҷикистон Камол Насрулло, Раҳмат Назрӣ, нависандагон Абдуҷаббор Абдуғаффор, Давлат Сафар ва Ҳофизи халқии Тоҷикистон Чиллахон Холов дар барнома иштирок карда, ба китобҳои харидаи дӯстдорони каломи бадеъ соядаст гузоштанд.

Февраль 16, 2021 16:20

Хабарҳои дигари ин бахш

Ҷаласаи ситоди даври чоруми Озмуни ҷумҳуриявии «Илм – фурӯғи маърифат» баргузор гардид
Дар Суғд ғолибони даври вилоятии Озмуни ҷумҳуриявии «Фурӯғи субҳи доноӣ китоб аст» қадрдонӣ гардиданд
«ФУРӮҒИ СУБҲИ ДОНОӢ КИТОБ АСТ». 434 довталаб ба даври чоруми озмун роҳхат гирифт
Маросими ҷоизасупорӣ ба ғолибони Озмуни ҷумҳуриявии «Тоҷикистон – Ватани азизи ман» оғоз гардид
Пагоҳ маросими ҷоизасупорӣ ба ғолибони Озмуни ҷумҳуриявии «Тоҷикистон – Ватани азизи ман» баргузор мегардад
«ИЛМ — ФУРӮҒИ МАЪРИФАТ». 13 довталаб аз Донишгоҳи техникии Тоҷикистон ба даври ҷумҳуриявии озмун роҳхат гирифт
«ИЛМ — ФУРӮҒИ МАЪРИФАТ». 159 довталаб аз шаҳри Душанбе ба даври ниҳоии озмуни ҷумҳуриявӣ роҳхат гирифт
Дар ноҳияи Рӯдакӣ даври минтақавии Озмуни ҷумҳуриявии «Илм-фурӯғи маърифат» оғоз ёфт
«ИЛМ-ФУРӮҒИ МАЪРИФАТ». Озмуни ҷумҳуриявӣ дар Суғд бо иштироки зиёда аз 1400 довталаб оғоз ёфт
Даври сеюми Озмуни ҷумҳуриявии «Илм – фурӯғи маърифат» оғоз гардид
Озмунҳои ҷумҳуриявӣ завқи кадбонугӣ ва анъанаҳои хӯрокпазии миллиро эҳё менамоянд
«ТОҶИКИСТОН — ВАТАНИ АЗИЗИ МАН». Аз 25 то 30 сентябр даври сеюми озмуни ҷумҳуриявӣ баргузор мешавад