Нусратулло Салимзода: Дар ноҳияи Сино нақшаи чорабиниҳо ба истиқболи 30-солагии Истиқлоли давлатӣ 99,3 фоиз иҷро шудааст

Февраль 16, 2021 15:32

ДУШАНБЕ, 16.02.2021 /АМИТ «Ховар»/. Ба истиқболи ҷашни 30-солагии Истиқлоли давлатии Ҷумҳурии Тоҷикистон тибқи нақшаи чорабиниҳои тасдиқгардида давоми се сол дар ноҳия 1674 адад чорабинӣ ба нақша гирифта шуда, иҷрои он то инҷониб 1443 ададро ташкил медиҳад, ки 86,2 фоизи нақшаи сесоларо дар бар мегирад. Аз нақшаи соли 2020, ки 773 адад чорабиниро ташкил медиҳад, 768 адади он амалӣ гардид, ки ба 99,3 фоизи нақша баробар мебошад. Корҳо дар ин самт идома доранд ва кӯшиш карда истодаем,  ки бо дастгирии бевоситаи роҳбарияти шаҳр ин нақшаро иҷро намоем. Дар ин бора имрӯз Раиси ноҳияи Синои шаҳри Душанбе Нусратулло Салимзода зимни нишасти матбуотӣ иттилоъ дод.

Мавсуф гуфт, ки дар мавсими тирамоҳу зимистони солҳои 2020-2021 дар ноҳия пайвастшавии 186 бинову иншооти  иловагӣ, дар маҷмӯъ 1269 адад ба энергияи гармӣ ба нақша гирифта шуда буд. Дар ин давра дар ноҳия 1295 адад бинову иншоот бо энергияи гармӣ таъмин карда шуданд.

То ин муддат дар ҳудуди ноҳия 52 146 бех ниҳолҳои ҳархела шинонида шуданд. Аз шумораи умумии ниҳолҳо аз ҷониби Муассисаи давлатии истифодабарии роҳҳои ноҳия 7500 бех ниҳолҳои ҳархела шинонида шуд, ки аз ин дарахтони сояафкан 1270 бех, дарахтони ороишӣ 6170 бех ва буттагӣ 60 бех мебошанд.

Дар баробари ин дар доираи иқдоми Раиси шаҳри Душанбе ҷиҳати ба шаҳри сабз табдил додани пойтахти мамлакат, дар маҷмӯъ дар ҳудуди ноҳия дар мавсими нав зиёда аз 29,8 ҳазор бех дарахтони гуногун шинонида шуда, корҳо дар ин самт бомаром идома доранд.  Инчунин дар ин давра 1,7 миллион дона гулҳои мавсимӣ, бисёрсола ва лола шинонида шуданд.

Февраль 16, 2021 15:32

Хабарҳои дигари ин бахш

Пешвои миллат Эмомалӣ Раҳмон дар шаҳри Душанбе шаҳраки нави саноатиро ифтитоҳ намуданд
Беш аз 50 километр роҳҳои маҳаллии ноҳияи Деваштич мумфарш карда шуданд
Дар Муассисаи давлатии Хона-интернати пиронсолон ва маъюбони ноҳияи Ёвон чоҳи амудӣ ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд Маҷмааи варзишии «Суғд-Арена» бунёд мегардад
35-СОЛАГИИ ИСТИҚЛОЛИЯТИ ДАВЛАТӢ. Дар Хуҷанд инфрасохтори муҳими коммуналӣ навсозӣ карда мешавад
Байни Мақомоти иҷроияи ҳокимияти давлатии шаҳри Турсунзода ва ҶДММ «Илму адаб» созишнома ба имзо расид
35-СОЛАГИИ ИСТИҚЛОЛИ ДАВЛАТӢ. Дар Панҷакент беш аз 800 иншооти таъйиноти гуногун ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Ҷаббор Расулов барои 200 тарбиятгиранда кӯдакистон сохта мешавад
35-СОЛАГИИ ИСТИҚЛОЛИ ДАВЛАТӢ. Дар Панҷакент иншооти нави таълимӣ ва варзишӣ ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъати тоза меёбад
35-СОЛАГИИ ИСТИҚЛОЛИ ДАВЛАТӢ. Хиёбону кӯчаҳои шаҳри Турсунзода ба гулзор табдил дода шуданд
Даври сеюми Озмуни ҷумҳуриявии «Тараннуми Ватан» баргузор гардид