«Ҷоми Рушд-2021». Дастаи мунтахаби ҷавонони Тоҷикистон бо ҳисоби 5:1 бар дастаи Молдова ғалаба кард

ДУШАНБЕ, 03.02.2021 /АМИТ «Ховар»/. Имрӯз аъзои дастаи мунтахаби наврасони то 17-солаи Тоҷикистон оид ба футбол дар даври дуюми Мусобиқаи байналмилалии футболи «Ҷоми Рушд-2021» дар Минск  ҳамсолони худ аз дастаи Молдоваро бо ҳисоби 5:1 мағлуб намуданд. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Ёдовар мешавем, ки дастаи мунтахаби наврасони то 17-солаи Тоҷикистон дар бозии аввалини худ дар мусобиқаи «Ҷоми Рушд-2021» дар кишвари Беларус ҳамтоёни қазоқи худро бо ҳисоби  7:1 мағлуб карда буд.

Мусобиқаи байналмилалии ҷавонон «Ҷоми Рушд-2021» дар Минск

Даври 2

3 феврал (чоршанбе)

14:00 ТОҶИКИСТОН (U-17) — Молдова (U-17) — 5:1

17:30 Беларус (U-17) — Қазоқистон (U-17)

Даври 3-юм

6 феврал (шанбе)

14:00 Молдова (U-17) — Қазоқистон (U-17)

17:30 Беларуссия (U-17) — ТОҶИКИСТОН (U-17)

АКС аз ФФТ