Раиси БМТ Ҳоким Холиқзода: «ММД соли гузашта ба 82,5 миллиард сомонӣ баробар шуда, афзоиши воқеии он 4,5 фоизро ташкил дод»

Февраль 10, 2021 15:01

ДУШАНБЕ, 10.02.2021 /АМИТ«Ховар»/. Рушди иқтисодиёти Тоҷикистон соли 2020 аз ҷониби Бонки миллии Тоҷикистон муътадил арзёбӣ гардид.

Раиси Бонки миллии Тоҷикистон Ҳоким Холиқзода 10 феврал дар ҷамъи хабарнигорон дар Душанбе гуфт, ки “Бонки миллии Тоҷикистон соли 2020 сиёсати пулию қарзӣ ва асъориро ба нигоҳдории сатҳи муътадили нархҳо бо назардошти раванди ҳадафгирии таваррум,  танзими ҳаҷми пул дар иқтисодиёт, таъмини суботи молиявӣ ва мусоидат ба рушди устувори иқтисодиёт равона намуд. Маҷмӯи маҳсулоти дохилии /ММД/ кишвар соли гузашта ба 82,5 миллиард сомонӣ баробар шуда, афзоиши воқеии он 4,5 фоизро ташкил дод. Афзоиши ММД аз ҳисоби истеҳсоли маҳсулоти саноатӣ 9,7 фоиз ва кишоварзӣ 8,8 фоиз таъмин гардидааст”.

Ҳоким Холиқзода зикр кард, ки сатҳи таваррум соли сипаригардида 9,4 фоизро ташкил намуд, ки нисбат ба ҳамин давраи соли 2019  1,4 банди фоизӣ зиёд буда, нишондиҳандаи мазкур асосан аз афзоиши сатҳи нархҳои маҳсулоти хӯрокворӣ 13,0 фоиз, ғайрихӯрокворӣ 5,8 фоиз ва арзиши хизматрасониҳои пулӣ ба аҳолӣ 4,0 фоиз ба амал омад.

Гуфта шуд, ки дар сохтори маҳсулоти хӯрокворӣ дар ин давра бештар тағйирёбии нархи маҳсулоти мавриди ниёзи аввал, ки асосан маҳсулоти воридотӣ ва мавсимӣ мебошанд, аз қабили орди навъи якум 16,4 фоиз, шакар 40,8 фоиз, равғани пахта 50,7 фоиз, равғани офтобпараст 42,6 фоиз, гӯшти гов 6,2 фоиз, тухм 18,9 фоиз, картошка 19,8 фоиз ва сабзӣ 12,8 фоиз ба қайд гирифта шуд.

Афзоиши нархи маҳсулоти мавриди ниёзи аввал дар натиҷаи таъсири омилҳои берунӣ вобаста ба авҷ гирифтани пандемияи COVID-19 ва дар ин замина маҳдуд шудани ҳамлу нақл тавассути сарҳади давлатҳои шарикони савдо ба вуқӯъ пайваст.

Февраль 10, 2021 15:01

Хабарҳои дигари ин бахш

Тоҷикистон ва Арабистони Саудӣ хатсайрҳои ҳавоиро афзоиш медиҳанд
Муколамаи намояндагони бахши хусусии Тоҷикистон ва Эрон баргузор гардид
Барои татбиқи лоиҳаи «Асосҳои рақамикунонии Тоҷикистон» созишномаҳои молиявӣ ба имзо расиданд
ҚУРБИ АСЪОР: дар Тоҷикистон 1 доллари ИМА аз 10.9268 то 10.9500 сомонӣ муқаррар шудааст
Бонки миллии Тоҷикистон тангаҳои хотиравӣ ва ҷашниро ба фурӯш баровард
Дар Душанбе Анҷумани сармоягузорӣ ва гардишгарии Тоҷикистону Эрон баргузор мешавад
Дар Бонки миллии Тоҷикистон дар мавзуи «Нақши ҷавонон дар таҳкими Истиқлоли давлатӣ» ҳамоиш доир гардид
«РОҒУН» — ШОҲАСАРИ ЭНЕРГЕТИКАИ НАВИН ВА ТЕХНОЛОГИЯҲОИ ТОЗА. Ин иншооти азим Тоҷикистонро ба истиқлоли комили энергетикӣ мерасонад
ҚУРБИ АСЪОР: дар Тоҷикистон 1 рубли русӣ аз 0. 1101 то 0.1115 сомонӣ муқаррар шудааст
Ҳайати Тоҷикистон дар ҷаласаи машваратии мудирони кишварии Гурӯҳи Бонки Исломии Рушд иштирок намуд
Дар Суғд Маркази омӯзиши тағйирёбии иқлим ва пиряхҳо таъсис ёфт
Ҳамкории Тоҷикистон дар самти тағйирёбии иқлим бо роҳбари САҲА дар Душанбе баррасӣ гардид