Сарвазири Тоҷикистон ба Россия пешниҳод кард, ки иртиботи ҳавоӣ байни ду давлат зудтар барқарор шавад

Февраль 10, 2021 13:00

ДУШАНБЕ, 10.02.2021 /АМИТ «Ховар»/. Ҳайатҳои Тоҷикистон ва Россия мувофиқа намуданд, ки  ҳаҷми интиқоли борҳоро афзоиш диҳанд. Бо дарназардошти беҳбуд ёфтани вазъи санитарӣ ва эпидемиологӣ дар Тоҷикистон ба ҷониби Россия пешниҳод шуд, ки масъалаи зудтар барқарор кардани иртиботи ҳавоиро байни ду кишвар баррасӣ кунад. Тавре пештар АМИТ «Ховар» хабар дода буд, ин аз паёми Вазорати корҳои хориҷии Тоҷикистон, ки дирӯз дар сомонаи ин идора нашр шуд, бармеояд.

Масъалаи барқарор кардани иртиботи ҳавоӣ дар ҷаласаи 17-уми Комиссияи байниҳукуматӣ оид ба ҳамкории иқтисодӣ байни Тоҷикистон ва Россия, ки 8-9 феврал дар шаҳри Москва таҳти раёсати Сарвазири Ҷумҳурии Тоҷикистон Қоҳир Расулзода ва муовини Сарвазири Федератсияи Россия Алексей Аверчук доир гардид, муҳокима шуд.

Дар ҷаласа Коҳир Расулзода бо дарназардошти ба эътидол омадани вазъи вобаста ба коронавирус дар Тоҷикистон масъалаи барқарор кардани иртиботи мунтазами ҳавоиро байни кишварҳо ба миён гузошт. Ин масъала дар пасманзари мавзӯи муҳоҷират, аз Тоҷикистон бозгардонидани донишҷӯёне, ки ба макотиби олии Россия дохил ва ё дар онҳо таҳсил мекунанд, инчунин густариши робитаҳои тиҷоратӣ муҳокима шуд.

Пештар хабар дода шуда буд, ки Тоҷикистон азм дорад дар ояндаи наздик иртиботи ҳавоиро бо дигар кишварҳо аз сар гирад ва ин ба шарофати муборизаи муваффақонаи Тоҷикистон бо навъи нави коронавирус имконпазир гардид. Ҳамчунин зикр карда шуд, ки дар робита ба боз намудани марзҳо дар Тоҷикистон карантини 14-рӯза барои мусофирони аз хориҷи кишвар омада барқарор мешавад.

Ёдовар мешавем, ки 26 январ Президенти Тоҷикистон, Пешвои миллат муҳтарам Эмомалӣ Раҳмон пирӯзии комили Тоҷикистонро бар штамми нави коронавирус эълон кард. Аз 30 декабри соли 2020 ҳолатҳои сироятёбӣ бо ин сироят  сабт нашудаанд.

                                          АКС аз бойгонии АМИТ «Ховар»

Февраль 10, 2021 13:00

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»