Сироҷиддин Икромӣ: «Амонатбонк» соли гузашта ба муштариён 1,3 миллиард сомонӣ қарз пешниҳод намуд
ДУШАНБЕ, 09.02.2021/АМИТ «Ховар»/. Бонки давлатии амонатгузории Ҷумҳурии Тоҷикистон «Амонатбонк» соли гузашта ба зиёда аз 50 ҳазору 498 нафар муштариён дар ҳаҷми 1,3 миллиард сомонӣ маблағҳои қарзӣ пешниҳод намудааст, ки ин нишондиҳанда нисбат ба соли 2019 мутаносибан 27,4 фоиз ва 52,5 фоиз зиёд мебошад.
Раиси Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ 9 феврал дар Душанбе дар нишасти матбуотӣ зимни натиҷагирӣ аз фаъолияти «Амонатбонк» дар соли сипаригардида ба намояндагони воситаҳои ахбори омма гуфт, ки бо мақсади саҳмгузорӣ дар самти татбиқи яке аз ҳадафҳои стратегии Ҳукумати Ҷумҳурии Тоҷикистон –таъмини амнияти озуқаворӣ иқдоми пешниҳоди қарзҳои имтиёзнок таҳти унвони «Кишоварз»-ро роҳандозӣ намуд. Дар доираи ин иқдом мизоҷон, хусусан кишоварзони мамлакат бо шартҳои имтиёзноки аз се ҳазор то панҷсад ҳазор сомонӣ ва ё мутаносибан бо асъори хориҷӣ ба муҳлати аз 6 то 36 моҳ таҳти 18 фоизи солона бо пули миллӣ ва бо асъори хориҷӣ таҳти 10 фоизи солона маблағҳои қарзӣ дастрас намуданд.
Сироҷиддин Икромӣ афзуд, ки бо мақсади саҳмгузорӣ дар татбиқи босуботи санадҳои барномавии давлатӣ дар самти дастгирии иҷтимоии шаҳрвандон «Амонатбонк» иқдоми пешниҳоди қарзҳои имтиёзнокро таҳти унвони «Таҳсил-2020» таҳти 18 фоизи солона роҳандозӣ намуд. Иқдоми «Таҳсил-2020» барои харидории сарулибоси мактабӣ, лавозимоти хониш ва пардохти маблағи шартномаи таҳсил пешбинӣ шуда буд, ки давоми моҳҳои август-сентябри соли гузашта татбиқ гардид.
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
ҚУРБИ АСЪОР: 1 доллари ИМА аз 9.3232 то 9.3600 сомонӣ муқаррар шудааст
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
