Мақомоти амнияти Афғонистон узви гурӯҳи «Толибон»-ро, ки таҳти пӯшиши дорусоз мехост муовини волии Лӯгарро террор кунад, боздошт намуд

Февраль 18, 2021 15:47

ДУШАНБЕ, 18.02.2021 /АМИТ «Ховар»/. Сарраёсати амнияти миллии Афғонистон рӯзи чоршанбе (17 феврал) эълон кард, як узви «Толибон»-ро, ки қасд дошт Робиа Станакзай, муовини волии вилояти Лӯгар ва як қатор мансабдорони маҳаллиро террор намояд, боздошт кардааст, хабар медиҳад АМИТ «Ховар» бо истинод ба шабакаи иттилоотии «Ҳашти субҳ» 8am.af.

Ин Раёсат аз фарди боздоштшуда бо исми «Мисбоҳуллоҳ» ном бурдааст, ки зери пӯшиши дорусоз дар яке аз дорухонаҳои Лӯгар масъули назорат, таъқиб, минагузорӣ, қатли кормандони давлатӣ, неруҳои амниятӣ ва ғайринизомиён буд.

Манбаъ афзудааст, ки Мисбоҳуллоҳ мақсад дошт дар кӯтоҳтарин муддат муовини волии Лӯгар Робиа Станакзай, мушовири волӣ, фармондеҳи аршади полис ва сардори полиси маҳаллии Лӯгарро террор кунад.

Сарраёсати амнияти миллӣ қайд кардааст, ки гурӯҳҳои амалиётӣ ҳадафи шабакаи махфии террористиро муайян карданд ва зимни гузаронидани як амалиёт Мисбоҳуллоро боздошт ва нақшаҳои террористии ӯро хунсо карданд.

Ин Раёсат таъкид кардааст, ки «Толибон» (мамнӯъ дар Тоҷикистон) ҳанӯз ҳам ба андешаҳои «сангбаста» -и худ исрор меварзанд ва талоши канор задани занон аз саҳнаи иҷтимоӣ, сиёсӣ, фарҳангӣ ва иқтисодии Афғонистон ҳастанд.

Амнияти миллӣ илова кард, ки «Толибон» тавоноии дарки дастовардҳои занонро надоранд, аммо неруҳои амнияти миллӣ ӯҳдадоранд тамоми шаҳрвандони кишварро ҳимоят кунанд.

«Толибон» ҳанӯз ин хабарро шарҳ надодаанд.

Февраль 18, 2021 15:47

Хабарҳои дигари ин бахш

АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
Сатҳи забондонии кормандони милитсияи Хатлон санҷида мешавад
Дар шаш моҳ дар Тоҷикистон 495 ҳолати машғул шудан ба ҷодугарӣ ва фолбинӣ ошкор карда шуд
«МАДАНИЯТИ ШАҲРДОРӢ». Дар Хатлон бо мақсади таҳким бахшидани ҳамкорӣ бо аҳолӣ амалиёт гузаронида шуд
Дар Душанбе татбиқи марҳилаи дуюми лоиҳаи «Шаҳри бехатар» баррасӣ гардид
Дар Хатлон масъалаҳои ҳифзи тартиботи ҷамъиятӣ баррасӣ карда шуданд
Дар Вазорати мудофиаи Тоҷикистон тарҳрезии либоси хизматчиёни ҳарбӣ дар шакли ягонаи миллӣ баррасӣ гардид
Сатҳи забондонии кормандони Вазорати корҳои дохилӣ санҷида мешавад
ДАСТОВАРДИ ДАВРОНИ СОҲИБИСТИҚЛОЛӢ. Ба таъсиси Кумитаи ҳолатҳои фавқулода ва мудофиаи граждании Тоҷикистон 31 сол пур шуд
Ҳамкорӣ дар самти пешгирии ҷинояткорӣ байни милитсияи Душанбе ва Тошканд тақвият меёбад
Дар Хоруғ машқи омодабошии мудофиаи ҳудудӣ ва захираҳои сафарбарӣ баргузор шуд
Дар роҳҳои Душанбе санҷишҳо гузаронида мешаванд