3 апрел дар Ҳисор бозии Суперҷоми Тоҷикистон-2021 миёни дастаҳои «Истиқлол» ва «Равшан» баргузор мешавад

ДУШАНБЕ, 30.03.2021 /АМИТ «Ховар»/. 3 апрел  бозии Суперҷоми Тоҷикистон-2021 миёни чемпиони феълии Тоҷикистон-дастаи футболи  «Истиқлол»-и шаҳри  Душанбе ва барандаи Ҷоми миллии ҷумҳурӣ- дастаи футболи  «Равшан»-и шаҳри  Кӯлоб баргузор мешавад. Вохӯрии мазкур соати 16:00 бо вақти Душанбе дар Варзишгоҳи марказии шаҳри Ҳисор доир мешавад. Дохил шудани тамошобинон ба варзишгоҳ ройгон аст.

Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.

Ин 12-умин бозии Суперҷоми Тоҷикистон мебошад, ки аз соли 2010 баргузор мешавад. Дастаи футболи «Истиқлол»-и шаҳри Душанбе 9 карат- солҳои 2010, 2011, 2012, 2014, 2015, 2016, 2018, 2019 ва 2020 ғолиби Суперҷоми мамлакат  гардидааст. Соли 2013 Суперҷомро  дастаи футболи «Равшан»-и шаҳри Кӯлоб ва соли 2017  дастаи футболи  «Ҳосилот»-и ноҳияи Фархор ба даст овардаанд.  

3 апрел (шанбе)

Оғози бозӣ 16:00

«Истиқлол» – «Равшан»

Варзишгоҳи марказии шаҳри Ҳисор

Ҳамаи рақобатҳои Суперҷоми Тоҷикистон (2010-2020):

2010 – «Вахш» (Қӯрғонтеппа) – «Истиқлол» (Душанбе) – 0:2

2011 – «Истиқлол» (Душанбе) – «Регар-ТадАЗ» (Турсунзода) – 1:0

2012 – «Истиқлол» (Душанбе) – «Регар-ТадАЗ» (Турсунзода) – 2:1

2013 – «Равшан» (Кӯлоб) – «Регар-ТадАЗ» (Турсунзода) – 2:1

2014 – «Равшан» (Кӯлоб) – «Истиклол» (Душанбе) – 0:5

2015 – «Истиқлол» (Душанбе) – «Хайр» (Ваҳдат) – 2:2. Бо пеналти – 4:3

2016 – «Истиқлол» (Душанбе) – «Хуҷанд» (Хуҷанд) – 3:2

2017 – «Истиқлол» (Душанбе) – «Хосилот» (Фархор) – 1:2

2018 – «Истиқлол» (Душанбе) – «Хуҷанд» (Хуҷанд) – 3:2

2019 – «Истиқлол» (Душанбе) – «Хуҷанд» (Хуҷанд) – 3:0

2020 – «Истиқлол» (Душанбе) – «Хуҷанд» (Хуҷанд) – 2:1