«ҶАМОЛУ ЗИННАТИ ДУНЁӢ, ЭЙ ЗАН». Таҳти ин унвон бахшида ба Рӯзи Модар ҳамоиши фарҳангӣ доир гардид

Март 2, 2021 13:18

ДУШАНБЕ 02.03.2021 /АМИТ «Ховар»/.  Имрӯз  дар шаҳри Душанбе бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи Модар таҳти унвони «Ҷамолу зиннати дунёӣ, эй зан» ҳамоиши фарҳангӣ доир гардид. Дар ҳамоиши мазкур намояндаи Дастгоҳи иҷрояи Президенти Ҷумҳурии Тоҷикистон, занони роҳбари вазорату идораҳо, мувоинони раисони шаҳру ноҳияҳо, ташкилоту муассисаҳо ва донишҷӯдухтарони фаъол иштирок намуданд.

Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода занону духтаронро бо фарорасии Рӯзи Модар табрик намуд.

Мавсуф ҳамчунин иброз намуд, ки воқеан зан — модар тарбиятгари насли дирӯзу имрӯз ва фардои мамлакат мебошад. Маҳз бо ҷасорат, шуҷоату шафқати модарони тоҷик фарзандони бонангу ори миллат дар рӯҳияи ватанпарастӣ тарбия ёфта, баҳри ҳимояи манфиатҳои миллию давлатӣ талош менамоянд.

Ба зикри  сардори Раёсати рушди иҷтимоии Дастгоҳи иҷроияи Президенти Ҷумҳурии Тоҷикистон Гулҷаҳон Абдуфаттоҳзода, “зан — модар қиматтарин ва азизтарин шахс дар зиндагӣ буда, оинаи беғубор ва сарчашмаи ҳаёти инсон ба ҳисоб меравад”.

Дар ҳамоиш зикр шуд, ки  ташаббусҳои наҷибу хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати баланд бардоштани мақому манзалати зан-модар дар ҷомеа назаррас мебошанд.  Дар раванди давлатдории миллии имрӯза, хосса таҳкими фарҳанги миллии халқи тоҷик ва барои ба зиндагии оянда сафарбар намудани насли ҷавон нақши занону модаронамон бағоят зиёд мебошад. Бахусус барои ба ҳаёти мустақилона омода намудану дар рӯҳияи ватандӯстиву меҳанпарастӣ тарбия намудани фарзандон, дар шуури онҳо бедор кардани фарҳанги оиладорӣ, риояи талаботи қонунҳои миллии амалкунандаи ҷумҳурӣ, тарғиби фарҳанги миллӣ, одобу ахлоқи ҳамида ва сабру таҳаммул аз ҷумлаи масъалаҳое мебошанд, ки дар онҳо саҳми модарону бонувони тоҷик баръало эҳсос мегардад.

Март 2, 2021 13:18

Хабарҳои дигари ин бахш

Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд
Дар Ховалинг ҷаласаи Шурои директорони муассисаҳои таҳсилоти миёнаи касбӣ баргузор гардид
Дар Душанбе оид ба нақши зеҳни сунъӣ дар соҳаи тандурустӣ ҳамоиш доир гардид