Дар ҷануби Тоҷикистон соли 2020 нуҳ корхонаи бекорхобида аз нав фаъол карда шуданд
БОХТАР, 31.03.2021 /АМИТ «Ховар»/. Дар тӯли 5 соли охир ҳаҷми истеҳсоли маҳсулоти саноатӣ дар вилояти Хатлон 2,5 баробар ва шумораи корхонаҳои нав 8,3 баробар афзудааст. Дар ин бора 29 март дар Бохтар дар иҷлосияи панҷуми вакилони халқи вилояти Хатлон, даъвати шашум гуфта шуд.
«Дар тӯли 30 соли истиқлоли кишвар саноати вилояти Хатлон босуръат рушд меёбад, дар шаҳру ноҳияҳо корхонаҳои нави истеҳсолӣ сохта мешаванд, навъҳои гуногуни маҳсулоти саноатӣ сол то сол зиёд мешавад. Соли 2020 номгӯйи маҳсулоти саноатӣ 153 навъро ташкил намуд, дар ҳоле ки соли 2015 танҳо 92 навъ маҳсулот истеҳсол карда мешуд», -зикр кард роҳбари вилоят Қурбон Ҳакимзода.
Ба гуфтаи ӯ, шумораи корхонаҳои саноатӣ низ афзудааст.
«Тибқи таҳлилҳо, соли 1991 дар шаҳру ноҳияҳои Хатлон 75 корхонаи саноатӣ фаъолият мекард, соли 2020 — 619 адад. Дар ин давра зиёда аз 544 корхонаи нав ба истифода супорида шуда, ҳазорҳо ҷойҳои кори доимӣ ташкил гардиданд», — зикр карда шуд дар иҷлосия.
Дар нақшаҳои Мақомоти иҷроияи ҳокимияти давлатии вилояти Хатлон дар солҳои 2021-2025 аз ҳисоби соҳибкорони маҳаллӣ ва вазорату идораҳо бунёди 145 корхонаи нави саноатӣ бо 12.543 ҷойи корӣ пешбинӣ шудааст.
Танҳо соли 2021 бунёди 60 коргоҳ ва корхонаи истеҳсолӣ бо 958 ҷойи корӣ ба нақша гирифта шудааст.
Илова бар ин, тибқи дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар бораи эҳёи корхонаҳои аз фаъолият бозмонда соли 2020 9 корхона фаъолияти худро аз нав шурӯъ ва ба маблағи 15,4 миллион сомонӣ маҳсулот истеҳсол карданд.
Ёдовар мешавем, ки соли 2020 ҳаҷми истеҳсоли маҳсулоти саноатӣ дар вилояти Хатлон дар муқоиса бо соли 2019 313,7 миллион сомонӣ ва ё 3,7% афзоиш ёфта, ба маблағи 8 миллиарду 810 миллион сомонӣ маҳсулоти саноатӣ истеҳсол карда шуд.
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
Меҳргон иди кишоварзону олимон, иди фаровонӣ, шодию нишот, дӯстӣ, ваҳдату ягонагӣ ва меҳру садоқат аст
Дар шаҳри Гулистон Форуми сеюми ҷавонони ҳавзаи дарёи Сир баргузор гардид
Рушди ҳамкории Тоҷикистон ва Бонки ҷаҳонӣ дар доираи Стратегияи нави шарикӣ баррасӣ карда шуд
Валиаҳди Шоҳигарии Негери-Сембилани Малайзия: «Таваҷҷуҳи Роҳбарияти олии Тоҷикистон ба татбиқи лоиҳаи НБО-и «Роғун» шоистаи таҳсин аст»
Татбиқи лоиҳаҳои муштарак дар самтҳои афзалиятноки Тоҷикистон бо Корпоратсияи байналмилалии молиявӣ баррасӣ шуд
