Дар Суғд маросими қуръакашии даври якуми Чемпионати Тоҷикистон оид ба футбол доир шуд

ДУШАНБЕ, 12.03.2021 /АМИТ «Ховар»/. Имрӯз, 12 март дар шаҳри Гулистони вилояти Суғд маросими қуръакашии даври якуми Чемпионати Тоҷикистон оид ба футбол баргузор гардид. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.

Дар   ҷамъомад роҳбарияти ФФТ, Лигаи футболи Тоҷикистон, мураббиён, футболбозон ва дигар меҳмонон ширкат намуданд. Дар даври якуми чемпионати Тоҷикистон миёни дастаҳои Лигаи олӣ  дастаи футболи «Кӯктош»-и ноҳияи Рӯдакӣ дар майдони худ дастаи «Истиқлол»-и шаҳри Душанберо мепазирад. Дастаи футболи «Равшан»-и шаҳри Кӯлоб ба меҳмонии дастаи  «Истаравшан»-и шаҳри Истаравшан меравад. Дастаҳои  футболи «КМВА» бо «Файзканд»-и ноҳияи Восеъ, «Эсхата»-и шаҳри Хуҷанд  бо «Хатлон»-и шаҳри Бохтар  ва «Хуҷанд»-и шаҳри Хуҷанд  бо «Душанбе-83»-и шаҳри Душанбе байни ҳам рақобат  мекунанд.

Ҳоло таваҷҷуҳ кунед ба натиҷаи қуръакашӣ дар расмҳо