Форуми минтақавӣ оид ба рушди устувор дар доираи Комиссияи Иқтисодии СММ барои Аврупо доир шуд
ДУШАНБЕ, 13.03.2021 /АМИТ «Ховар»/. Бо иштироки муовини Вазири рушди иқтисод ва савдои ҷумҳурӣ Абдураҳмон Абдураҳмонзода Форуми минтақавии фосилавӣ оид ба рушди устувор дар доираи Комиссияи Иқтисодии Созмони Милали Муттаҳид барои Аврупо (UNECE) тариқи видеоконфронс баргузор гардид. Дар ин хусус АМИТ «Ховар» бо истинод ба Вазорати рушди иқтисод ва савдои ҷумҳурӣ иттилоъ медиҳад.
Абдураҳмон Абдураҳмонзода зикр намуд, ки дар асоси дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон якчанд ҳуҷҷатҳои стратегӣ, аз ҷумла Стратегияи миллии рушди Ҷумҳурии Тоҷикистон барои давраи то соли 2030 ва Барномаи миёнамуҳлати рушди Ҷумҳурии Тоҷикистон таҳия гардида, бо мақсади содагардонии расмиёти савдо, дастгирии молистеҳсолкунандагони ватанӣ ва таъмини шароити мусоид барои рушди савдои дохилию хориҷӣ мавриди татбиқ қарор доранд.
Вобаста ба чораҳои пешгирикунандаи паҳншавии пандемияи коронавируси COVID-19 А. Абдураҳмонзода таъкид намуд, ки Ситоди ҷумҳуриявӣ бо роҳбарии Сарвазири Ҷумҳурии Тоҷикистон таъсис дода шуда, Нақшаи чорабиниҳо оид ба кам кардани таъсири хавфҳои эҳтимолии коронавируси COVID-19 дар ҷаҳон ба иқтисодиёти миллӣ аз 19 марти соли 2020 тасдиқ гардид. Ҳамзамон зикр шуд, ки ҷониби Хазинаи Байналмилалии Асъор тадбирҳои зиддибуҳронии андешидаи Ҳукумати Ҷумҳурии Тоҷикистонро ҷиҳати пешгирии паҳншавии бемории сироятии COVID-19 дар муқоиса ба баъзе кишварҳо самаранок ва натиҷабахш арзёбӣ намуд.
Мақсад аз баргузории форуми мазкур — ин табодули иттилоот дар бораи сиёсати самараноки барқароршавӣ пас аз пандемияи COVID-19 ҷиҳати ноил шудан ба ҳадафҳои рушди устувор буд, ки дар он аз ҷониби намояндагони кишварҳои минтақа мушкилот ва амалҳои мушаххас баррасӣ шуданд.
Дар форуми минтақавии фосилавӣ намояндагони кишварҳои минтақа, ташкилоти байналмилалӣ, ҷомеи шаҳрвандӣ ва бахши хусусӣ иштирок намуданд.
КИШТИ БАҲОРӢ. Моҳи март дар Тоҷикистон кишти сабзавот оғоз мегардад
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
