Фурудгоҳи Внуково: интизор меравад иртиботи ҳавоӣ бо Тоҷикистон баҳори имсол барқарор шавад

Март 4, 2021 13:50

ДУШАНБЕ, 04.03.2021 /АМИТ «Ховар»/. Фурудгоҳи байналмилалии Внуковои Москва интизор дорад, ки аллакай моҳҳои апрел-май якчанд хатсайрҳои байналмилалӣ барқарор хоҳанд шуд. Тоҷикистон дар рӯйхати интизорӣ дар қатори кишварҳои нахустин қарор дорад. Тавре  АМИТ «Ховар» бо истинод ба ТАСС иттилоъ медиҳад, дирӯз Виталий Вантсев, раҳбари шӯрои директорон, шариксоҳиби фурудгоҳ ба рӯзноманигорон дар ин бора хабар додааст.

Ба гуфтаи ӯ, эҳтимол ҳамаи хатсайрҳои байналмилалӣ то моҳҳои август-сентябр ифтитоҳ шаванд. «Аз ин рӯ, дар мавриди барқароршавӣ дар соли равон ҳарф задан дар гумон аст. Аммо нисбат ба  соли оянда  мо хушбин ҳастем», — гуфт Вантсев.

«Мо интизор дорем, ки ба ҳар ҳол хатсайрҳо ба шарикони мо — кишварҳои ИДМ, пеш аз ҳама, Ӯзбекистон ва Тоҷикистон моҳҳои апрел-май ифтитоҳ хоҳанд шуд. Вазъи эпидемиологӣ дар он ҷо нисбат ба мо хеле беҳтар аст. Тавре ки шумо медонед, дар кишвари мо низ он ба эътидол меояд, аз ин рӯ умедворем, ки ин ду бозор барои мо боз хоҳанд шуд. Инҳо бозорҳои хеле калон ва ғунҷоишдор мебошанд», — зикр кард Вантсев.

Ба гуфтаи Вантсев, соли 2021 вобаста ба суръати ифтитоҳи масирҳои байналмилалӣ, Внуково метавонад ҳамлу нақли мусофиронро аз 11 то 43%, 14-18 миллион нафар мусофир зиёд кунад. Дар ҷамъбасти соли 2020 фурудгоҳ ба 12,56 млн мусофир хизмат расонид.

«Ҳама чиз ба он вобаста хоҳад буд, ки ҳоло сохтани буҷаи ҳамлу нақли  мусофирон аз рӯи маблағи он ғайриимкон аст. Даромади мо ба миқдори парвозҳо вобастагӣ дорад. Ба шумо бигӯям, ки ҳадди ақалл мо ба 14 миллион мусофир умед мебандем. <…> Албатта, рақами хушбинтаре низ мавҷуд аст ва мо умедворем, ки он ба 18 миллион мерасад», — хулоса кард Вантсев.

                                             АКС аз манбаҳои озод

Март 4, 2021 13:50

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст