Курси бозомӯзӣ барои раисони кумитаҳои иҷроияи ҲХДТ дар вилоятҳо ва шаҳру ноҳияҳо ҷамъбаст шуд
ДУШАНБЕ, 06.03.2021 /АМИТ «Ховар»/. Тавре қаблан хабар дода будем, бо ташаббуси Кумитаи Иҷроияи Марказии Ҳизби Халқии Демократии Тоҷикистон дар шаҳри Душанбе шурӯъ аз 1 март барои раисони кумитаҳои иҷроияи Ҳизби Халқии Демократии Тоҷикистон дар вилоятҳо ва шаҳру ноҳияҳо дар мавзӯи «Оиннома ва Барномаи ҲХДТ – меҳвари фаъолияти ташкилоти ҳизбӣ» курси бозомӯзӣ гузаронида шуд, ки 6 март анҷом ёфт.
6 март иштирокчиёни курси мазкур рӯзи навро бо шинонидани дарахтони сояафкан ва ороишӣ бо иштироки муовини якуми Раиси Ҳизби Халқии Демократии Тоҷикистон Абдуҷаббор Азизӣ оғоз намуданд.
Тибқи барномаи курси мазкур, давоми рӯз натиҷагирӣ, вазифагузорӣ ва супоридани сертификат ба иштирокчиёни курс — раисони кумитаҳои иҷроияи Ҳизби Халқии Демократии Тоҷикистон дар вилоятҳо ва шаҳру ноҳияҳои ҷумҳурӣ ташкил гардид.
Муовини якуми Раиси Ҳизби Халқии Демократии Тоҷикистон Абдуҷаббор Азизӣ иштирокчиён ва кулли аъзои ҳизбро даъват намуд, ки ба давлату миллат поквиҷдонаву садоқатмандона хизмат намуда, муқаддасоту марзу бумро ҳифз кунанд ва барои дар сатҳи баланд таҷлил намудани 30-умин солгарди Истиқлоли давлатии Ҷумҳурии Тоҷикистон саҳми муносиб гузоранд. “Ҳизби Халқии Демократии Тоҷикистон ҳизби халқӣ буда, доимо дар бари мардум мебошад. Аз ин рӯ, мову шуморо зарур аст, ки ба боварии халқ лоиқ бошем ва ҳамеша дар хизмати халқу миллат камари ҳиммат бандем”,-гуфт мавсуф.
Ҳамзамон ба ҳар иштирокчӣ барои бо муваффақият хатм намудани курси бозомӯзӣ, ки ба баланд бардоштани касбият ва донишу малақа равона гардида буд, сертификат супорида шуд.
Курси мазкур бо тамошои Маҷмааи «Кохи Наврӯз» ҷамъбаст шуд. Зимни боздид аз толорҳои он зикр гардид, ки он бо усули меъмории миллӣ сохта шуда, аз 5 ошёна иборат мебошад ва қариб 40 ҳазор метри мураббаъи он кори дастии ҳунармандони тоҷик мебошад.
Кохи мазкур ҳамчунин дорои айвончаҳои тобистона, фаввораҳои ранга мебошад, ки ба бино шукӯҳу шаҳомати тоза мебахшанд. 11 толори маҷмаа бо шакли ҳунарҳои миллии тоҷикӣ, аз қабили гаҷкорӣ, кошинкорӣ аз шишаҳои ранга, сақфҳои рангубор, чӯбкорӣ, сангороиш истифода бурда шудаанд.
МАВСИМИ ОББОЗӢ. Агар оббозӣ карда натавонед, кӯшиши ба об даромадан накунед
Ҳайати Тоҷикистон дар ҷаласаи Ассамблеяи ҷаҳонии тандурустӣ иштирок дорад
Лоиҳаҳои тандурустии Тоҷикистон дар ҷаласаи Бонки исломии рушд муаррифӣ шуданд
Ҷавонон бояд роҳи гузаштагони пурифтихорамонро бо омӯзиш ва аз худ кардани илмҳои замона идома диҳанд
Президенти Тоҷикистон: «Ҳамаи иқдом, дастгирию ғамхории Ҳукумати Тоҷикистон ба хотири соҳиби илму дониши муосир гардидани ҷавонон аст»
Ҳайати Тоҷикистон дар вохӯрии Иттифоқҳои касабаи давлатҳои Созмони ҳамкории Шанхай иштирок намуд
Эмомалӣ Раҳмон: «Ҳукумати мамлакат барои фаъолияти ҷавонон тамоми иқдоми заруриро амалӣ менамояд»
23 МАЙ-РӮЗИ ҶАВОНОНИ ТОҶИКИСТОН. Ҷавонони тоҷик дар пешрафти илму техника ва ихтироъкорию навоварӣ саҳми арзанда мегузоранд
Дар Душанбе вобаста ба таҳаввули ҷойгоҳи Осиёи Марказӣ дар низоми ҳамкории С5+1 ҳамоиш баргузор шуд
ОГОҲӢ. 22-23 май дар минтақаҳои кӯҳии Тоҷикистон борони пуршиддат дар назар аст
Бахшида ба Рӯзи ҷавонони Тоҷикистон дар Академияи идоракунии давлатӣ ҳамоиш баргузор шуд
Дар Санкт-Петербург Форуми байналмилалии ҳуқуқӣ баргузор гардид
