ОГОҲИИ АГЕНТИИ ОБУҲАВОШИНОСӢ: 13-14 март дар Тоҷикистон бориши бошиддат дар назар аст
ДУШАНБЕ, 12.03.2021 /АМИТ «Ховар»/. 13-14 март бо сабаби воридшавии анбӯҳи ҳавои сарду намнок дар ноҳияҳои тобеи марказ, вилояти Хатлон, ноҳияҳои ғарбии Вилояти Мухтори Кӯҳистони Бадахшон ва ноҳияҳои доманакӯҳи вилояти Суғд ба амал омадани бориши бошиддат дар назар аст. Дар ин бора аз Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ба АМИТ «Ховар» хабар доданд.
13-14 март дар ноҳияҳои алоҳидаи ноҳияҳои тобеи ҷумҳурӣ ва вилояти Хатлон бориши пуршиддат пешгӯӣ шуда, дар бештари ноҳияҳои водӣ-доманакӯҳӣ ва кӯҳии ҷумҳурӣ 14 март борон ба барф мубаддал мегардад. Ба истиснои Вилояти Мухтори Кӯҳистони Бадахшон дар ноҳияҳои алоҳидаи ҷумҳурӣ шамол аз самти ғарб бо шиддати то 17-22 ва дар баъзе ҳолатҳо то 20-25 метр дар як сония мевазад. 14 март дар ноҳияҳои водӣ-доманакӯҳи ҷумҳурӣ ҳарорати рӯзонаи ҳаво то 12-15 дараҷа паст шуда, дар баъзе ноҳияҳо туман мефарояд.
Дар ағбаҳо пайдоиши қабати барф ва яхбандӣ дар назар аст. 14 март бо сабаби якбора паст шудани ҳарорати ҳаво дар бештари ноҳияҳои водӣ-доманакӯҳи ҷумуҳурӣ эҳтимоли зиён дидан ва қисман нобудшавии зироати кишоварзӣ, гулҳои ороишӣ, муғҷа ва гулҳои дарахтони мевадиҳанда пешгӯӣ шуда, чаронидани чорво дар чарогоҳҳои зимистона мушкилӣ пеш меорад.
Инчунин аз 12 то 15 март дар минтақаҳои кӯҳии ноҳияҳои тобеи ҷумҳурӣ, нишебиҳои ҷанубии қаторкӯҳҳои Ҳисор ва ноҳияҳои ғарбии ВМКБ фаромадани тарма ва дар ноҳияҳои водигӣ ва доманакӯҳи вилоятҳои Хатлон, Суғд ва ноҳияҳои тобеи ҷумҳурӣ фаромадани сел дар назар аст.
Дар ин рӯзҳо дар дарёҳои аз нишебиҳои ҷанубии қаторкӯҳҳои Ҳисор ҷоришаванда ва дарёҳои Обихингоб, Қизилсӯ, Ёхсӯ баландшавии сатҳи об аз эҳтимол дур нест.
Аз ин рӯ Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз шаҳрвандон хоҳиш менамояд, ки бехатарии шахсиро риоя намуда, дар чунин рӯзҳо аз рафтан ба назди дарёҳо, соҳили рӯд ва сайри кӯҳу дара худдорӣ намоянд.
Ба сокинони шаҳри Ҳисор беш аз 450 ҷойи кори холӣ пешниҳод гардид
Дар Душанбе доир ба беҳтар гардонидани сифати ғизо ҳамоиш доир шуд
Дар Хатлон таҳти унвони «Чил рӯзи ҳаёти кӯдакон» силсилаҳамоишҳо доир мегарданд
Сарвазири мамлакат Қоҳир Расулзода дар ноҳияи Рашт бо рафти корҳои бартарафсозии оқибатҳои заминларза шинос шуд
Дар Душанбе бахшида ба Рӯзи пойтахт барномаи фарҳангӣ-сиёсии аъзои ҳизб доир гардид
«ЗАМИН — ГАНҶИНАИ ХАЙРУ САХОВАТ». Дар Бохтар бахшида ба Рӯзи умумиҷаҳонии замин ва Соли ҳифзи пиряхҳо ҳамоиш баргузор гардид
Дар Академияи миллии илмҳои Тоҷикистон таҳти унвони «Душанбе-сарзамини тахти воло» ҳамоиши илмӣ доир шуд
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид
Сокинони вилояти Суғд ба мардуми аз офати табиӣ зарардидаи Рашт ва Тоҷикобод кумак расониданд
Мардуми саховатпешаю савобҷӯ даъват шуданд, ки маблағҳои сафари ҳаҷро ба зарардидагони заминларзаи Рашту Тоҷикобод низ равона созанд
«ОИЛАИ БЕҲТАРИН». Бо мақсади гиромидошти арзишҳои оиладорӣ озмуни ҷумҳуриявӣ доир мегардад
