Абӯбакр, Мирзоҷамил, Ҷаҳонгир ва Темур ғолибони мусобиқаи ҷумҳуриявии гӯштини миллӣ барои дарёфти Ҷоми «Пойтахт-2021» гардиданд

Март 22, 2021 10:57

ДУШАНБЕ, 22.03.2021 /АМИТ «Ховар»/. Рӯзҳои 20-21 марти соли равон  бахшида ба Иди байналмилалии Наврӯз дар Муассисаи давлатии «Наврӯзгоҳ»-и пойтахт мусобиқаи ҷумҳуриявии гӯштини миллӣ «Гӯштингирӣ» барои дарёфти Ҷоми «Пойтахт-2021» аз рӯи вазнҳои то 65 кг, 75 кг, 90 кг ва +90 кг дар сатҳи баланд баргузор гардид. Ғолибони мусобиқаи мазкур  аз  ҷониби мақомоти иҷроияи ҳокимияти давлатии шаҳри Душанбе бо шоҳҷоизаҳо — 4 автомашинаи сабукрав, Ҷоми «Пойтахт-2021» ва туҳфаву ифтихорномаҳо мукофотонида  шуданд. Дар ин бора шореҳи варзишии АМИТ «Ховар» Меҳрони ҚУРБОН хабар медиҳад.

Дар мусобиқаи мазкур қариб 130 варзишгар аз ВМКБ, вилоятҳои Суғду Хатлон, шаҳру ноҳияҳои тобеи ҷумҳурӣ ва шаҳри Душанбе ба ҳам омада, дар вазнҳои гуногун қувваозмоӣ намуданд.

Мусобиқа тибқи қоидаҳои муқаррарнамудаи Федератсияи миллии «Гӯштингирӣ»-и Ҷумҳурии Тоҷикистон  дар сатҳи баланд сурат гирифт.

Ҳадафи асосӣ аз роҳандозӣ намудани ин мусобиқаи варзишӣ ташвиқу тарғиб ва рушду равнақи варзиш, таъмини оммавияти он, солимгардонии сокинони  пойтахт  ва дар сатҳи баланди ташкилӣ таҷлил намудани ҷашни миллӣ — Наврӯз мебошад.

Қобили зикр аст, ки  рӯзи аввал қувваозмоиҳои даврҳои муқаддамотӣ дар 4 категорияи вазнӣ баргузор шуда, беҳтаринҳо ба даври финалӣ, ки рӯзи дуюм доир шуд, роҳхат гирифтанд.

Ба финали вазни -65кг Абубакр  Боқиев бо  Алиҷони Сафаралӣ  роҳ ёфтанд. Дар ин рақобати  ҷолиб   Абубакр  Боқиев ғолиб омада, сазовори  шоҳҷоиза —  мошин гарид. Ҷои дуюмро Алиҷони Сафаралӣ  ишғол намуд. Ҷойҳои сеюмро  бошад дар ин вазн Сорбон Латифов  ва  Ориф Додов  пас аз пирӯзӣ бар ҳарифоншон  соҳиб гардиданд.

Дар вазни -75 кг Мирзоҷамил Рамазонов  нисбат ба ҳарифонаш қавитар буд. Ӯ дар финал бар Амонулло Азимов  ғолиб омада, сазовори  автомашинаи тамғаи «Карола» гардид. Медалҳои  биринҷӣ  бошад, дар ин вазн насиби  Раҳматуллоев  Саидшоҳ  ва  Камолов Саиднабӣ гардид, ки дар қувваозмоӣ барои ҷои сеюм ҳарифонашонро мағлуб намуданд.

Медали тиллои вазни -90кг-ро Ҷаҳонгир Маҷидов соҳиб шуд. Ӯ дар финал  Ҳамроз Раҷабовро шикаст дода, соҳиби шоҳҷоиза —  мошини тамғаи «Тайота Аввалон» гашт. Ҷоиҳои  сеюми ин вазнро бошад, Амирҷони Насим ва  Комроншоҳи Устопириён соҳиб гардиданд

Ҳамчунин  дар вазни +90кг Темур Раҳимов пас аз пирӯзӣ бар Раҳмат Фарҳодов сазовори  шоҳҷоиза — мошини сабкрав  ва  Ҷоми «Пойтахт-2021» гардид. Дар қувваозмоӣ барои ҷойҳои  сеюм бошад, Шоҳрух Амирхонов ва  Абубакри Акобир  бар рақибонашон ғолиб омада, соҳиби ҷои сеюм гаштанд.

Ғолибону ҷоизадорони ин мусобиқа бо медалҳои Кумитаи кор бо ҷавонон ва варзиш ва ҷоизаҳои пулии мақомоти иҷроияи ҳокимияти давлатӣ дар шаҳри Душанбе сарфароз шуданд.

Ёдовар мешавем, ки бахшида ба  Иди Наврӯз баргузор намудани  мусобиқаҳои гӯштингирӣ  ва пойгаи аспдавонӣ  дар пойтахт ба ҳукми анъана даромадааст.

Март 22, 2021 10:57

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад