Вазорати фарҳанг ба 100 нафар хонандагони мактаб-интернатҳои мусиқӣ кумак намуд
ДУШАНБЕ, 21.03.2021 /АМИТ “Ховар”/. Бахшида ба Иди байналмилалии Наврӯз роҳбарияти Вазорати фарҳанги Ҷумҳурии Тоҷикистон ба 100 нафар хонандагони Муассисаи давлатии “Мактаб-интернати миёнаи махсуси санъати ҷумҳуриявии ба номи Миратулло Атоев” ва Мактаб-интернати миёнаи махсуси мусиқии ҷумҳуриявии ба номи Зиёдулло Шаҳидӣ кумаки яквақтаинаи моддӣ расонид.
Тавре аз Вазорати фарҳанг ба АМИТ “Ховар” иттилоъ доданд, иқдоми мазкур ҷиҳати дар амал татбиқ намудани сиёсати хирадмандона ва ятимпарваронаи Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гирифта шуда, он аз ҷониби муовини вазири фарҳанг Манучеҳр Шарифзода ба хонандагон тақдим гардид. Хонандагону тарбиятгирандагони ин мактаб-интернатҳо аз ин иқдом изҳори хушҳолӣ намуда, баён доштанд, ки “имрӯз мо бепадару модар нестем, балки Ватан ва роҳбарияти олии мамлакат падару модар ва ғамхори мо мебошанд”.
Ёдовар мешавем, ки иқдомҳои Вазорати фарҳанг дар самти дастгирии моддию маънавии қишри осебпазири ҷомеа аз сиёсати хирадмандонаи Пешвои миллат сарчашма гирифта, он мунтазам амалӣ карда мешавад.
Табақаи ниёзманди ҷомеа, бахусус ятимону бепарасторон ва камбизоатон, ки ба ғамхориву кумаки ҳамешагӣ ниёз доранд, таҳти назорати доимии Ҳукумати Ҷумҳурии Тоҷикистон қарор дошта, махсусан дар арафаи ҳар иду ҷашнҳо бо кумаки моддиву молӣ фаро гирифта мешаванд.
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
Дар рӯзҳои ҷашни Наврӯз дар гардиши дараи Алмосӣ барои гӯсфанди зоти ҳисорӣ ва ангури тоифӣ муҷассама гузошта мешавад
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
