Дар Бонки миллӣ тартиби ҳисобкунии таносуби меъёри маблағҳои худӣ муаррифӣ шуд
ДУШАНБЕ, 06.04.2021 /АМИТ «Ховар»/. Тартиби ҳисобкунии таносуби меъёри маблағҳои худӣ (сармоя) ва уҳдадориҳои қабулнамудаи ташкилоти суғуртавӣ (азнавсуғуртакунӣ) дар Бонки миллии Тоҷикистон муаррифӣ гардид. Маросими муаррифии санади мазкур бо ташаббуси Идораи назорати суғуртавии Бонки миллии Тоҷикистон бо иштироки сармуҳосибон ва шахсони масъули ташкилоти суғуртавии кишвар доир гардида, дар он ба иштироккунандагон тарзи пешниҳоди ҳисобот тибқи талаботи тартиби мазкур омӯзонида шуд.
Бонки миллии Тоҷикистон хабар медиҳад, ки тартиб бо қарори Раёсати Бонки миллии Тоҷикистон аз моҳи октябри соли 2020 тасдиқ гардида, дар Вазорати адлияи ҷумҳурӣ ба қайди давлатӣ гирифта шудааст. Ҳуҷҷати мазкур дар низоми суғурта аввалин бор таҳия шуда, минбаъд раванди ҳаракати сармояи худии ташкилоти суғуртавиро дар бозори суғурта тибқи меъёрҳои байналмилалӣ ба танзим медарорад.
Ин санад бо мақсади таъмини сатҳи ҷоизи пардохтпазирӣ ва устувории молиявии ташкилоти суғуртавӣ таҳия гардида, минбаъд он ба ҷобаҷогузории дурусти дороиҳо, пешгирии хароҷоти беасос ва шустушӯи пул тавассути ташкилоти суғуртавӣ, зиёд гардидани сармоягузориҳои низоми суғурта дар бахши воқеии иқтисодиёти миллӣ ва дар ин замина зиёд намудани эътимоди аҳолӣ ба хизматрасониҳои суғуртавӣ мусоидат менамояд.
Аксҳо аз БМТ
Форуми II байналмилалии «Суғд-чорроҳаи роҳи бузурги абрешим» гузаронида мешавад
ҚУРБИ АСЪОР: дар Тоҷикистон 1 евро аз 11.3118 то 11.1000 сомонӣ муқаррар шудааст
ТО ШАБАКАҲОИ 5G ИНКИШОФ ДОДАНИ ИНФРАСОХТОРИ РАҚАМӢ. Ҷиҳати пешбурди иқтисоди рақамӣ тақвияти кор дар чанд самти асосӣ таъкид гардид
ҚУРБИ АСЪОР: дар Тоҷикистон 1 рубли русӣ аз 0.1109 то 0.1190 сомонӣ муқаррар шудааст
Сарвари давлат: «То охири соли 2025 пардохтҳои ғайринақдӣ дар соҳаҳои буҷетӣ ва хизматрасониҳои давлатӣ пурра таъмин карда шаванд»
Нақши Паёми Президенти Ҷумҳурии Тоҷикистон ба Маҷлиси Олӣ дар гузаронидани ислоҳоти иқтисодӣ бузург мебошад
ҚУРБИ АСЪОР: дар Тоҷикистон 1 доллари ИМА аз 10.9325 то 10.9500 сомонӣ муқаррар шудааст
РУШДИ ТОҶИКИСТОН ТАВАССУТИ РАҚАМИКУНОНӢ, ЗЕҲНИ СУНЪӢ ВА НИЗОМИ МАОРИФИ ПЕШРАФТА. Бардошт аз Паёми Президенти Ҷумҳурии Тоҷикистон ба Маҷлиси Олӣ
ИСТИҚЛОЛИЯТИ ЭНЕРГЕТИКӢ-ЯКЕ АЗ ҲАДАФҲОИ СТРАТЕГИИ ҲУКУМАТИ ТОҶИКИСТОН. Моҳи майи соли 2027 Тоҷикистон ба истиқлоли комили энергетикӣ ноил мегардад
ҚУРБИ АСЪОР: дар Тоҷикистон 1 рубли русӣ аз 0.1118 то 0.1190 сомонӣ муқаррар шудааст
Эмомалӣ Раҳмон: «Соли 2025 дар вилояти Суғд сохтмони неругоҳи барқи офтобӣ бо иқтидори 200 мегаватт оғоз мегардад»
Дар Тоҷикистон «Стратегияи ҷалби сармоя барои давраи то соли 2040» таҳия мегардад
