Дар Душанбе мулоқоти роҳбарони соҳаи фармасевтии Тоҷикистон ва Ӯзбекистон доир шуд
ДУШАНБЕ, 16.04.2021 /АМИТ «Ховар»/. Имрӯз дар Душанбе мулоқоти роҳбарият ва намояндагони Хадамоти назорати давлатии тандурустӣ ва ҳифзи иҷтимоии аҳолии Ҷумҳурии Тоҷикистон бо намояндагони Агентии рушди соҳаи фармасевтии Вазорати тандурустии Ҷумҳурии Ӯзбекистон доир шуд.
Вохӯрии мазкур дар доираи ҳамкории мутақобилан судманд байни ниҳодҳои мазкур гузаронида шуд.
Дар мулоқот Сардори Хадамоти назорати давлатии тандурустӣ ва ҳифзи иҷтимоии аҳолии Ҷумҳурии Тоҷикистон Султон Бекмуродзода, муовини якуми сардори Хадамот Идибек Қадамов, директори Агентии рушди соҳаи фармасевтии Вазорати тандурустии Ҷумҳурии Ӯзбекистон Сардор Кариев, мушовири Сафоратхонаи Ҷумҳурии Ӯзбекистон дар Ҷумҳурии Тоҷикистон Отабек Алимов, намояндаи ширкати “Маримед”-и Ӯзбекистон Абдувоҳид Ваҳобов ва намояндагони ширкатҳои истеҳсолии фармасевтии ватанӣ иштирок намуданд.
Зимни мулоқот масъалаҳои рушди ҳамкорӣ дар самти равнақи самтҳои мухталифи соҳаи фармасевтӣ: инкишофи саноати дорусозӣ, мубодилаи таҷрибаи пешқадам, мусоидат барои бақайдгирӣ ва муомилоти маводи дорувории тарафҳо дар кишварҳо баррасӣ шуданд.
Дар Тоҷикистон Рӯзҳои Ассамблеяи халқҳои Авруосиё ва Африқо баргузор мешаванд
Стратегияи пешгирӣ, назорати бемориҳои ғайрисироятӣ ва осеббардорӣ дар Ҷумҳурии Тоҷикистон барои давраи то соли 2040 қабул гардид
ГРАНТИ ПРЕЗИДЕНТӢ. Имрӯз ба 120 зан — ғолиби лоиҳаҳо диплом супорида шуд
Дар Тоҷикистон доир ба пешгирии бемориҳои сироятӣ ва ғайрисироятӣ корҳои фаҳмондадиҳӣ гузаронида шуданд
Табибони тоҷик ду ҷарроҳии мураккаб анҷом доданд
Тоҷикистон ва Британияи Кабир ҳамкориро дар самти ҳолатҳои фавқулода баррасӣ намуданд
Хизматчиёни давлатӣ аз Тоҷикистон таҳсилро дар донишгоҳҳои Ҷопон оғоз намуданд
ТИРАМОҲ ФАРО МЕРАСАД. Дар ин фасл кадом бемориҳои мавсимӣ авҷ мегиранд?
Ба Кумитаи ҳолатҳои фавқулода ва мудофиаи гражданӣ таҷҳизоти нави алоқа ва назорати видеоӣ дастрас гардид
Дар Тоҷикистон барои ташхису табобати бемориҳои эндокринологӣ 6 муассисаи тиббӣ фаъолият мекунад
Беморхонаи марказии ноҳияи Муъминобод навсозӣ мегардад
Дар Кумита оид ба таҳсилоти ибтидоӣ ва миёнаи касбӣ ташкилоти ибтидоии ҳизбии «Касбомӯз» таъсис дода шуд
