Дар Норак 100 мавзеи фароғатӣ, 3 меҳмонхонаи муосир ва 27 ёдгории таърихию фарҳангӣ сайёҳонро интизоранд
БОХТАР, 23.04.2021 /АМИТ «Ховар»/. Норак ҳамеша барои сайёҳон ҷолиб буд. Бо эълони Солҳои рушди деҳот, сайёҳӣ ва ҳунарҳои мардумӣ дар Тоҷикистон бахши сайёҳӣ вориди давраи нави рушд гардид. Меҳмонхонаҳо, осоишгоҳҳо сохта, ёдгориҳои таърихӣ ва фарҳангӣ, инчунин дигар ҷойҳои ҷамъиятӣ ба ҳолати муносиб оварда мешаванд.
Тавре мутахассиси шуъбаи сайёҳии Мақомоти иҷроияи ҳокимияти давлатии шаҳри Норак Алиҷон Мирализода ба хабарнигори АМИТ «Ховар» иттилоъ дод, имрӯз 100 мавзеи истироҳатӣ, 3 меҳмонхонаи муосир, як осоишгоҳ ва 27 ёдгории таърихӣ — фарҳангӣ ба омадани сайёҳони дохилию хориҷӣ омода мебошанд.
«Ҳар сол барои рушди туризм иншооти нави муосир сохта мешаванд. Дар тӯли 30 соли Истиқлоли давлатӣ шаҳр симои худро ба куллӣ дигар кард. Биноҳои муосири бисёрқабата, Қасри фарҳанг, гулгаштҳои зебо, чароғҳои рангоранг, инчунин корҳои сабзазоркунӣ ва ободонӣ ба ҳусни Норак ҳусни тоза зам ва ҷаззобияти онро бештар мекунанд. Мавҷудияти ёдгориҳои таърихӣ, меъморӣ ва табиати зебо ба Норак имкон медиҳад, ки соҳаҳои гуногуни сайёҳӣ рушд ёбанд», — гуфт мутахассис.
Соли 2020 тақрибан 200 ҳазор меҳмонони дохилӣ ва хориҷӣ бо мақсади сайёҳӣ ба Норак ташриф овардаанд, ки нисбат ба соли 2019 86 ҳазор нафар зиёдтар аст.
АКС аз Мақомоти иҷроияи ҳокимияти давлатии Норак
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
