Директори Институти боғпарварию сабзавоткории Тоҷикистон гуфт, ки имсол барои кишоварзони тоҷик чӣ пайомад дорад
ДУШАНБЕ, 01.04.2021 /АМИТ «Ховар»/. Вазъи обу ҳавои рӯзҳои охири Тоҷикистон моро ба ҳайрат овард. Охири зимистон гарм омад ва ба аввали баҳор монанд буд. Моҳи март бориши шадид ва ҳатто барф ба қайд гирифта шуд. Вазъи обу ҳаво имсол ба соҳаи кишоварзӣ чӣ таъсир мерасонад? Оё деҳқонон метавонанд ҳосили фаровон ба даст оранд? Ба ин саволҳо директори Институти боғпарварию сабзавоткории Академияи илмҳои кишоварзии Тоҷикистон, доктори илмҳои кишоварзӣ Ҳикматулло Назиров посух дод.
«Агар вазъи обу ҳаво бад нашавад ва барфу сармо наояд, он гоҳ бо боварӣ метавон гуфт, ки имсол барои деҳқонони тоҷик бобарор хоҳад буд. Танҳо агар онҳо ҳамаи талаботи агротехникии кишту парвариши зироатро иҷро кунанд, он гоҳ метавонанд ҳосили хуб ба даст оранд», — гуфт директори Институт.
Ба гуфтаи ӯ, боридани барф дар моҳҳои феврал ва март, инчунин сардшавии ҳаво ба боғдорон, сабзавоткорон ва ангурпарварон зарар нахоҳад расонд.
«Барои дарахтони мевадиҳанда муҳим аст, ки боронгариҳои шадиди моҳи март ба қайд гирифташуда дигарбора наборанд ва ба гардолудшавии гулҳо таъсир нарасонанд, зеро ин ҳам аҳамияти муҳим дорад. Ба растаниҳои дар гармхонаҳо парваришёбанда вазъи обу ҳаво аслан таъсир намерасонад. Барои сабзавоткороне, ки сабзавотро дар шароити табиӣ парвариш мекунанд, вақти шинондани ниҳолҳо оғоз ёфт», — тазаккур дод Ҳикматулло Назиров.
Аммо, тавре Ҳикматулло Назиров гуфт, бо вуҷуди ин дарахтони мевадиҳанда аз тағйирёбии ҳавои моҳи март каме осеб диданд. Акнун ба деҳқонон лозим аст, ки барои нигоҳубини онҳо, бо ғизо додани дарахтон бо нуриҳои органикӣ ва минералӣ тадбирҳои иловагӣ андешида, реҷаи обмониро риоя кунанд.
«Бориш ба замин таъсири судбахш доранд, баҳори бе бориш ба ҳосил таъсир мерасонад», — шарҳ дод ӯ.
Дар ҳамин ҳол, тибқи пешгӯии Агентии обуҳавошиносии Тоҷикистон, ҳафтаи оянда дар ҷумҳурӣ бориш пешбинӣ нашудааст ва чунин вазъи обу ҳаво барои кори кишоварзон мусоид хоҳад буд.
Соли гузашта Тоҷикистон истеҳсоли маҳсулоти кишоварзии худро тақрибан 9% афзоиш дод. Имсол, тибқи дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки дар Паёми худ ба Парлумони ҷумҳурӣ баён доштанд, афзоиш додани ин нишондиҳанда ба нақша гирифта шудааст.
АКС аз АМИТ «Ховар»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
