Имрӯз дар Душанбе намоишгоҳи «Made in Belarus» ифтитоҳ меёбад

Апрель 6, 2021 09:09

ДУШАНБЕ, 06.04.2021 /АМИТ «Ховар»/. Имрӯз дар меҳмонхонаи «Hyatt Regency Dushanbe»-и пойтахт намоишгоҳи истеҳсолкунандагони Беларус бо номи «Истеҳсоли Беларус» («Made in Belarus») ифтитоҳ мешавад. Дар ин бора Палатаи савдо ва саноати Тоҷикистон хабар додааст.

40 корхона ва ташкилоти Беларус дастовардҳои соҳаҳои мухталифро пешниҳод мекунанд: маҳсулоти ғизоӣ ва нӯшокиҳо, таркибҳои ғизоӣ, растанипарварӣ ва чорводорӣ, мошинсозии кишоварзӣ, дамгирӣ ва сайёҳии тиббӣ.

Барномаи намоишгоҳро форуми тиҷоратии «Тоҷикистон — Беларус — Афғонистон» ва форуми аграрии «TajBelAgro», ки 6 ва 7 апрел баргузор мешаванд, пурра мекунанд.

Чорабиниҳо ба ҷаласаи навбатии Комиссияи байниҳукуматӣ оид ба ҳамкории тиҷоратӣ ва иқтисодӣ байни Тоҷикистон ва Беларус бахшида шудаанд.

Аз Беларус ба Душанбе ҳайати бонуфуз омадааст, ки ба он Вазири кишоварзӣ ва хӯрокворӣ Иван Крупко, раиси Палатаи савдо ва саноати Беларус Владимир Улахович, муовини Вазири саноат Александр Огородников, муовини Вазири варзиш ва сайёҳӣ Михаил Портной, муовини Раиси Консерни давлатии Беларус оид ба саноати хӯрокворӣ Александр Яковчитс, инчунин намояндагони роҳбарияти вазоратҳо, минтақаҳо ва корхонаҳои бузурги Беларус шомил мебошанд ва дар намоишгоҳ ва ду форум иштирок хоҳанд кард.

Намоишгоҳ барои доираҳои тиҷоратии се кишвар — Тоҷикистон, Беларус, Афғонистон баргузор мешавад. Нигораҳо дар шакли муаррифӣ пешниҳод карда мешаванд, чошнӣ ва фурӯши чаканаи маҳсулоти Беларус пешбинӣ нашудааст.

Ташкилкунандаи намоишгоҳи «Made in Belarus» ширкати намоишии «Belinterexpo» -и Палатаи савдо ва саноати Беларус мебошад.

Ҳамаи чорабиниҳо бо мусоидати Сафорати Ҷумҳурии Беларус дар Ҷумҳурии Тоҷикистон ва Палатаи савдо ва саноати Ҷумҳурии Тоҷикистон гузаронида мешаванд.

 

АКС аз бойгонӣ

Апрель 6, 2021 09:09

Хабарҳои дигари ин бахш

Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад