Исмоил Сафаров соҳиби «Ҷоми раёсати Донишкадаи сайёҳӣ, соҳибкорӣ ва хизмат» гардид
ДУШАНБЕ, 26.04.2021 /АМИТ «Ховар»/. Донишҷӯи курси якуми Донишкадаи сайёҳӣ, соҳибкорӣ ва хизмат Исмоил Сафаров дар Озмуни ҷумҳуриявии донишҷўёни муассисаҳои таҳсилоти олии касбии Ҷумҳурии Тоҷикистон барои дарёфти «Ҷоми раёсати Донишкадаи сайёҳӣ, соҳибкорӣ ва хизмат» аз рӯи равияи «Технологияҳои иттилоотӣ» (ғайритахассусӣ) ҷойи аввалро ишғол намуд. Дар ин бора аз Донишкадаи сайёҳӣ, соҳибкорӣ ва хизмат ба АМИТ «Ховар» хабар доданд.
Озмуни мазкур дар доираи эълон гардидани солҳои 2020-2040 «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», ба шарафи 30-солагии Истиқлоли давлатии Ҷумҳурии Тоҷикистон ва 30-солагии Донишкадаи сайёҳӣ, соҳибкорӣ ва хизмат доир гардида, ду рӯз идома ёфт.
Ректори Донишкада, дотсент Убайдулло Асрорзода дар маросими ифтитоҳи озмун меҳмонон ва донишҷӯёнро шодбош гуфта, зикр кард, ки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар партави сиёсати маорифпарваронаи хеш, зимни ироаи Паём ба Маҷлиси Олии Ҷумҳурии Тоҷикистон пешниҳод намуданд, ки ба хотири боз ҳам беҳтар ба роҳ мондани омӯзиши илмҳои табиатшиносӣ, дақиқ ва риёзӣ, инчунин тавсеаи тафаккури техникии насли наврас солҳои 2020-2040 «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» эълон карда шаванд.
Ҳамзамон пешниҳод намуданд, ки ҳамасола олимпиадаҳои ҷумҳуриявӣ, вилоятӣ, шаҳрӣ ва ноҳиявӣ оид ба илмҳои табиатшиносӣ, дақиқ ва риёзӣ дар ҳамаи зинаҳои таҳсилот баргузор карда шаванд.
«Итминони комил дорем, ки дар озмун истеъдодҳои ҷавон, донишҷӯён аз муассисаҳои таҳсилоти олии касбии кишвар донишу маҳорати хешро ҳамаҷониба санҷида, минбаъд чун бузургони барҷастаи илми тоҷик барои пешрафти илмҳои риёзиву дақиқ ва табиӣ дар мамлакат нақши арзишманд мегузоранд»,-иброз намуд ректори Донишкада.
Дар маросими ифтитоҳи озмун ҳамзамон намояндагони вазоратҳои маориф ва илм, саноат ва технологияҳои нави Ҷумҳурии Тоҷикистон ва Академияи миллии илмҳои Тоҷикистон сухан гуфтанд.
Қабл аз оғози озмун намоиши дастовардҳои зеҳнии донишҷӯён ва эҷодиёти онҳо баргузор гардид. Дар доираи озмун барои иштирокчиён барномаи «Шоми фарҳангӣ» низ доир карда шуд.
Дар маросими ҷамъбасти озмун Вазири маориф ва илми кишвар Муҳаммадюсуф Имомзода иштирок намуда, ғолибонро бо Диплом ва туҳфаҳои хотиравӣ қадрдонӣ намуд.
АКС аз Донишкадаи сайёҳӣ, соҳибкорӣ ва хизмат
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
Дар Эрон Фестивали байналмилалии «Фаҷр» баргузор гардид
Сокинони шаҳри Бӯстон соҳиби туҳфаи арзандаи Пешвои миллат — «Шоҳнома»-и Ҳаким Фирдавсӣ мегарданд
Раиси Маҷлиси Бузурги Миллии Туркия дар Осорхонаи миллии Тоҷикистон бо таъриху фарҳанги миллати тоҷик шинос шуд
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин ифтитоҳ шуданд
Ҳайати ҳунарии Ҷумҳурии Мардумии Чин бо Осорхонаи миллии Тоҷикистон шинос шуд
Раиси Маҷлиси Бузурги Миллии Туркия бо мамнуъгоҳи таърихию фарҳангии Ҳисор шинос шуд
Рӯзҳои фарҳанги Ҷумҳурии Мардумии Чин дар Ҷумҳурии Тоҷикистон ифтитоҳ меёбанд
Туҳфаи арзандаи Пешвои миллат — «Шоҳнома»-и Абулқосим Фирдавсӣ ба 60 ҳазор оилаи шаҳри Панҷакент тақдим мегардад
