«НЕЛЕГАЛ-2021». Ҷаласаи Ситоди байналмилалии амалиёти минтақавии СААД оид ба пешгирии муҳоҷирати ғайриқонунӣ доир шуд

Апрель 1, 2021 16:32

ДУШАНБЕ, 01.04.2021 /АМИТ «Ховар»/. 31  март дар бинои Хадамоти шиносномавию бақайдгирии Вазорати корҳои дохилии Ҷумҳурии Тоҷикистон ҷаласаи Ситоди байналмилалии амалиёти минтақавии Созмони аҳдномаи амнияти дастаҷамъӣ (СААД) тариқи видео-конференсия дар мавзӯи амалӣ намудани чорабиниҳои фаврӣ-профилактикии муштарак ва амалиёти махсус доир ба муқовимат ба муҳоҷирати ғайриқонунии шаҳрвандони кишварҳои сеюм таҳти унвони шартии «Нелегал-2021» баргузор гардид. Дар ин бора аз Вазорати корҳои дохилӣ ба АМИТ «Ховар» хабар доданд.

Конференсияи мазкур бо  иштироки намояндагони давлатҳои аъзои ин созмон, аз ҷумла Тоҷикистон, Қазоқистон, Қирғизистон, Беларус, Арманистон ва Федератсияи Россия  тариқи онлайн доир шуд.

Муовини Котиби генералии СААД Валерий Семериков, Котиби КСБНМ СААД, ГУВМ ВКД Федератсияи Россия, генерал-лейтенанти политсия Валентина Казакова, аз Ҷумҳурии Тоҷикистон муовини Вазири корҳои дохилӣ, генерал-майори милитсия Бароталӣ Ҳамидзода, сардори Хадамоти шиносномавию бақайдгирии ВКД, полковники милитсия Ҳусейн Халилзода ва муовини сардори ХШБ ВКД, полковники милитсия Зумрад Абдуллозода, инчунин намояндагони вазоратҳои корҳои дохилии давлатҳои аъзои СААД вобаста ба пешгирии муҳоҷирати ғайриқонунӣ иштирок ва суханронӣ намуданд.

Муовини Котиби генералии СААД Валерий Семериков зикр кард, ки пешгирии муҳоҷирати ғайриқонунӣ, риояи қоидаҳои будубоши шаҳрвандони хориҷӣ ва шахсони бешаҳрвандӣ, бақайдгирӣ, воридот ва хуруҷи онҳо аз қаламрави давлатҳои аъзо, инчунин пешгирии ҷиноятҳои муташаккилона, аз қабили гардиши ғайриқонунии маводи нашъаовар ва савдои одамон аз ҷумлаи ҷиноятҳое мебошанд, ки мебояд ҳамаи мо дар мубориза бо ин қонуншиканиҳо дастаҷамъона мубориза барем. Аз ин хотир роҳандозӣ намудани амалиёти фаврӣ-профилактикии «Нелегал-2021» дар қаламрави давлатҳои аъзо айни муддао мебошад.

Муовини Вазири корҳои дохилӣ Бароталӣ Ҳамидзода иброз дошт, ки «аз ҷониби мо нақшаи барнома ва бандҳои он пурра мавриди омӯзишу таҳлил қарор гирифт ва аз он бармеояд, ки нақшаи таҳиягардида тамоми ҷабҳаҳои самти мубориза бо муҳоҷирати ғайриқонунӣ, роҳҳои пешгирии ин зуҳуроти номатлуб, муайяну дастгир намудани шахсони дар кофтукови байналмилалӣ қарордошта ва ошкору пешгирии дигар ҷиноятҳоро дар бар мегирад».

Дар конференсия иштирокдорон тибқи барномаи ҷаласа нақша ва марҳилаҳои баргузории амалиёти «Нелегал-2021», мубодилаи иттилоот, ҳамкории мутақобилаи ҷонибҳо ва дигар паҳлуҳои мавзӯи баррасишавандаро муҳокима карданд.

Апрель 1, 2021 16:32

Хабарҳои дигари ин бахш

Ҳайати Тоҷикистон дар ҷаласаи Маҷмаи умумии фавқулодаи Созмони байналмилалии мудофиаи гражданӣ иштирок намуд
Ташаккули дониши кӯдакон оид ба бехатарии ҳаракат дар роҳ дар конфронси байналмилалӣ баррасӣ мегардад
Дар Қазоқистон ҷаласаи роҳбарони мақомоти корҳои дохилии пойтахтҳои давлатҳои аъзои ИДМ доир шуд
Дар Гулистон Слёти III байнидавлатии нозирони навраси ҳаракати давлатҳои аъзои ИДМ доир мешавад
Котиби Шурои амнияти Ҷумҳурии Тоҷикистон бо Сафири Ҷумҳурии Исломии Покистон мулоқот намуд
Дар Панҷакент 24 кг маводи мухаддир мусодира карда шуд
Ҷаласаи коршиносон оид ба таъсис додани Маркази зиддимухаддиротии СҲШ дар Душанбе баргузор гардид
Вакили Маҷлиси намояндагон барои ҳайати шахсии Раёсати Қувваҳои ҳарбӣ-ҳавоӣ ва мудофиаи зиддиҳавоӣ машғулияти сиёсӣ доир намуд
Дар Душанбе интиқолдиҳандаи маводи мухаддир бо 31 кг “ҳашиш” боздошт ва ба 13 соли зиндон маҳкум шуд
Кӯшиши интиқоли ғайриқонунии маводи нашъаовар дар сарҳади ҷанубии Тоҷикистон пешгирӣ карда шуд
Дар конфронси байналмилалӣ масъалаи ташаккули дониши кӯдакон оид ба бехатарии ҳаракат дар роҳ баррасӣ мегардад
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд