Ширкатҳои ҳавопаймоии Россия нархи чиптаро ба самти Тоҷикистон арзон намуданд
ДУШАНБЕ, 27.04.2021 /АМИТ «Ховар»/. Ширкатҳои ҳавопаймоии Россия, ки ҳавопаймоҳояшон миёни Россия ва Тоҷикистон парвозҳои чартерӣ анҷом медиҳанд, аз паст рафтани нархи чипта хабар додаанд.
Тибқи иттилои манбаъҳое, ки хабаргузории русии «Sputnik» мусоҳиб шудааст, арзиши чипта 50 фоиз коҳиш ёфтааст. Пастравии нархҳоро ширкати «Сибирские авиалинии» тасдиқ намуд, иттилоъ медиҳад АМИТ «Ховар».
«Ҳоло нархи чипта дар хатсайри Хуҷанд-Москва 8,4 ҳазор сомонӣ (735 доллар) мебошад. Чунин тарофа нисбат ба шаҳрҳои дигари Россия вобаста аз вақти парвоз ҳисоб карда мешавад», — хабар доданд намояндагони ширкат.
Мавриди зикр аст, ки арзиши чиптаҳо дар қиёс ба ҳафтаи гузашта хеле коҳиш ёфт. Қаблан барои парвоз аз Тоҷикистон ба Россия шаҳрвандони ҷумҳурӣ бояд 15-16 ҳазор сомонӣ (1,3-1,4 ҳазор доллар) пардохт мекарданд.
Қаблан директори Агентии авиатсияи граждании Тоҷикистон Икром Субҳонзода зимни мулоқот бо намояндагони чор ширкати ҳавопаймоии Россия боисрор аз ширкатҳои ҳавопаймоии Россия тақозо намуда буд, ки нархи чиптаҳои парвозҳои чартериро коҳиш диҳанд.
Ёдовар мешавем, ки масъалаи беасос боло бурдани нархи чиптаҳои ҳавопаймоҳо дар масири шаҳрҳои Тоҷикистон ва Россия аввали моҳи апрел дар ҷаласаҳои корӣ, ки дар Агентии авиатсияи граждании назди Ҳукумати Ҷумҳурии Тоҷикистон бо иштироки намояндагони ширкатҳои ҳавопаймоии Россия, назири «Сибир» (S7 Airlines), «Ютэйр», «Уралские авиалинии» ва «Северный ветер», доир гардида буд, ду маротиба баррасӣ шуд. Аз намояндагони ширкатҳои ҳавопаймоии Россия даъват ба амал оварда шуд, ки барои ҳарчи зудтар коҳиш додани нархи чиптаҳои ҳавопаймоҳо тадбирҳои муассир андешанд.
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
