«ВАТАНПАРВАР».Таҳти ин унвон дар Душанбе мусобиқаи ҳарбӣ-варзишӣ баргузор гардид
ДУШАНБЕ, 23.04.2021 /АМИТ «Ховар»/. Имрӯз дар Муассисаи давлатии «Маркази кӯдакон ва наврасони шаҳри Душанбе» Мусобиқаи ҳарбӣ-варзишӣ таҳти унвони «Ватанпарвар» баргузор гардид, ки дар он хонандагони муассисаҳои таҳсилоти миёнаи умумии пойтахт дар дастаҳои гуногун иштирок намуданд. Дар натиҷаи сабқати байни дастаҳо «Содиқони Ватан»-и ноҳияи Сино сазовори ҷои аввал, «Далерони Ватан»-и ноҳияи Исмоили Сомонӣ ҷои дуюм ва дастаҳои «Сипар»-и ноҳияи Шоҳмансур ва «Шуҷои Ватан»-и ноҳияи Фирдавсӣ ҷои сеюм гардиданд. Ғолибони озмун бо диплом ва туҳфаҳои таъсиснамудаи Кумитаи тадорукот қадрдонӣ шуданд.
Тавре аз Муассисаи давлатии «Маркази кӯдакон ва наврасони шаҳри Душанбе» ба АМИТ «Ховар» хабар доданд, мусобиқаи мазкур аз шартҳои машқҳои сафороӣ, тарбияи ҷисмонӣ ва варзиш (вазнбардорӣ, бандкашӣ ва турниккашӣ), омодагии дифои ҳарбӣ, мудофиаи гражданӣ ва пешниҳод намудани варақаи ҳарбӣ- ватанпарварӣ ва шарҳи он доир карда шуд.
Ёдовар мешавем, ки мусобиқаи харбӣ – варзишии «Ватанпарвар» байни хонанадагони муассисаҳои таҳсилоти миёнаи умумии шаҳри Душанбе бо ташаббуси Сарраёсати маорифи шаҳри Душанбе баргузор гардида, ҳадафи он тарбияи насли наврас дар рӯҳияи худшиносиву ватандӯстӣ, эҳтиром ва арҷгузорӣ ба арзишҳои соҳибистиқлолӣ, ҳифзи марзу бум, тарғиби тарзи ҳаёти солим ва омода намудани хонандагон барои хизмат дар сафи Қувваҳои мусаллаҳи Ҷумҳурии Тоҷикистон мебошад.
ТАЪТИЛРО БОСАМАР ГУЗАРОНЕМ! Таҳти ин шиор Донишгоҳи байналмилалии забонҳои хориҷии Тоҷикистон озмуни китобхонии фосилавиро эълон намуд
Ваколатдор оид ба ҳуқуқи инсон ҷиҳати баланд бардоштани маърифати ҳуқуқии шаҳрвандон 46 машварати сайёри ҳуқуқӣ гузаронид
Пагоҳ дар Агентии хизмати давлатӣ, Хадамоти назорати давлатии бехатарии корҳо дар саноат ва соҳаи кӯҳкорӣ, Академияи идоракунии давлатӣ ва Саридораи геология нишасти матбуотӣ баргузор мегардад
Вазорати энергетика: «Воридот ва нархи гази моеъ таҳти назорати мақомоти ваколатдори соҳа қарор дорад»
«ФАЙЗИ ИСТИҚЛОЛ». Дар басти сеюми ин лагер 410 кӯдаку наврас ба истироҳат фаро гирифта шуд
Суҳбат дар баландӣ. Сокинони ВМКБ бо топ-менеҷерони ширкати «МегаФон Тоҷикистон» мулоқот намуданд
Дар Кӯлоб вобаста ба саҳми шуроҳои ҷамъиятӣ дар амалишавии ислоҳоти милитсия ҳамоиш баргузор шуд
Имрӯз дар Тоҷикистон ҳавои тағйирёбанда пешгӯӣ шудааст
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
