ВКД Тоҷикистон гуфт, ки ба номи Руслан Табаров шиноснома надодааст
ДУШАНБЕ, 23.04.2021 /АМИТ «Ховар»/. Вазорати корҳои дохилии Ҷумҳурии Тоҷикистон хабарро дар бораи додани шиноснома ба шаҳрванди Россия Руслан Боширов (ДАР АКС) ба номи Руслан Табаров рад кард, иттилоъ медиҳад АМИТ «Ховар» бо истинод ба маркази матбуоти вазорат.
«Хабари дар интернет паҳншуда вобаста ба таркиши анбори силоҳ дар Ҷумҳурии Чехия, ки гӯё яке аз ду нафар гумонбаршудагон дар ин ҷиноят Табаров Руслан Ҳалимович, соли таваллудаш 23 октябри соли 1975 бо шиносномаи хориҷии Ҷумҳурии Тоҷикистон маҳсуб мешавад, асос надорад. Аз ҷониби Вазорати корҳои дохилӣ ва воҳидҳои он дар шаҳру ноҳияҳо ба шаҳрванд Табаров Р. Х. шиноснома дода нашудааст ва аз ҷониби сохторҳои давлатии ҷумҳурии болозикр дар ин хусус дархости расмӣ ворид нагардидааст», — омадааст дар иттилоия.
Тавре қаблан ВАО хабар доданд, Хадамоти махсуси Чехия бар онанд, ки шаҳрвандони Россия Александр Петров ва Руслан Боширов, ки аз ҷониби полиси Чехия дар ҷустуҷӯ қарор доранд, 15 октябри соли 2014 аз ҳудуди анбори лавозимоти ҷангӣ дар деҳаи Врбетитсе дар наздикии шаҳри Злин дар шарқи Чехия дидан кардаанд, ки дар он ҷо рӯзи дигар таркиш рух дода, дар натиҷаи он ду нафар ҳалок шудаанд.
Тибқи иттилои полиси Чехия, шахсоне, ки соҳиби шиносномаҳо ба номи Петров ва Боширов буданд ва аз 11 то 16 октябри соли 2014 дар Ҷумҳурии Чехия қарор доштаанд, инчунин шиносномаи шаҳрванди Молдавияро ба номи Николай Попа, соли таваллудаш 18 июли соли 1979 ва шаҳрванди Тоҷикистонро ба номи Руслан Табаров, соли таваллудаш 23 октябри соли 1975, истифода кардаанд.
Қаблан Агентии хадамоти давлатии Молдова низ хабар дод, ки ба Петров ба номи шаҳрванди ҷумҳурӣ Николай Попа шиноснома надодааст.
АКС аз манбаъҳои боз
Дар Бадахшон мусобиқаи варзишӣ аз намуди футбол байни сохторҳои қудратӣ ҷамъбаст гардид
Дар Вазорати мудофиаи Тоҷикистон Рӯзи Қувваҳои Мусаллаҳро бо шаҳомати хосса таҷлил намуданд
Дар Вазорати корҳои дохилӣ ба муносибати Рӯзи таъсиси Қувваҳои Мусаллаҳи Тоҷикистон ҳамоиш доир шуд
Бахшида ба Рӯзи Қувваҳои Мусаллаҳ дар Раёсати Вазорати корҳои дохилӣ дар шаҳри Душанбе ҳамоиш доир шуд
Дар Душанбе Рӯзи Қувваҳои Мусаллаҳи Тоҷикистон бошукуҳ таҷлил гардид
Қувваҳои Мусаллаҳ — сипари боэътимоди давлату миллат ва ҳифзи амнияту субот
Бахшида ба Рӯзи таъсиси Қувваҳои Мусаллаҳи Тоҷикистон дар Душанбе ҳамоиши тантанавӣ доир шуд
ҚУВВАҲОИ МУСАЛЛАҲИ ҶУМҲУРИИ ТОҶИКИСТОН. Он на танҳо сохтори низомӣ, балки рамзи мавҷудияту бақои давлат аст
Президенти Тоҷикистон: «Фидокорию ҷонбозиҳои афсарону сарбозони шуҷои Ватан ҳаргиз фаромӯш намешавад»
23 ФЕВРАЛ — РӮЗИ ҚУВВАҲОИ МУСАЛЛАҲИ ҶУМҲУРИИ ТОҶИКИСТОН. Артиши миллӣ 33 сол боз амнияту оромии давлат ва ҷомеаро ҳифз менамояд
ҚУВВАҲОИ МУСАЛЛАҲ — МУҲОФИЗИ СУЛҲ, СУБОТ ВА ЗИНДАГИИ ОСУДАИ МАРДУМ. Иқтибосҳо аз суханрониҳои Президенти Тоҷикистон бахшида ба Рӯзи таъсиси Қувваҳои Мусаллаҳи Тоҷикистон
Бахшида ба 33-солагии таъсиси Қувваҳои Мусаллаҳ дар Вилояти Мухтори Кӯҳистони Бадахшон чорабинии тантанавӣ баргузор шуд
