ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар деҳаи Ноҷии Болои шаҳри Ҳисор беш аз 5,5 километр роҳ мумфарш мегардад
ДУШАНБЕ, 13.05.2021/АМИТ «Ховар»/. Сокинони деҳаи Ноҷии Болои Ҷамоати деҳоти Мирзо Ризои шаҳри Ҳисор дар раванди корҳои ободонию бунёдкорӣ, ки имрӯзҳо ба шарафи ҷашни 30-солагии Истиқлоли давлатии Ҷумҳурии Тоҷикистон дар шаҳру ноҳияҳои мамлакат ҷараён доранд, беш аз 5,5 километр роҳро аз шоҳроҳи Душанбе – Ҳисор то маркази деҳа мумфарш менамоянд.
Раиси шаҳри Ҳисор Шарифҷон Ҷумъазода бо мақсади иштирок дар ҳашари дастаҷамъонаи сокинони деҳаи Ноҷии Боло ба ин минтақа рафта, бо нақшаи мумфаршкунии роҳ аз шоҳроҳи Душанбе – Ҳисор то маркази деҳа, ки зиёда аз 5,5 километрро ташкил медиҳад, шинос шуд. Дар мавзеи роҳ, ки мумфарш мегардад, техникаҳои роҳсозии ширкати «Роҳи тоҷик», инчунин пирони кор ва ҷавонони деҳа бо белу каланд ғарами асфалти гармро болои роҳ ҳамвор менамуданд.
Тибқи нақшаи мақомоти иҷроияи ҳокимияти давлатии шаҳри Ҳисор, дар доираи корҳои ободониву созандагӣ ба ифтихори ҷашни 30-солагии Истиқлоли давлатии Ҷумҳурии Тоҷикистон, Солҳои рушди деҳот, сайёҳӣ ва ҳунарҳои мардумӣ ва эълони соли 2021- Соли роҳҳои обод дар Ҳисор дар деҳоти шаҳр бо дастгирии соҳибкорони бонангу номус ва аҳолӣ роҳҳои ҳудуди деҳаҳо таъмиру таҷдид ва мумфарш мегарданд.
Дар меҳвари ин ташаббусҳо дар чор моҳи имсол беш аз 30 километр роҳ дар маҳаллаҳои Белайдуз, Омӯзгор, Ҳамадонӣ ва кӯчаҳои Неъмат Қарабоев, Муҳаммадӣ Сатторови Ҷамоати шаҳраки Ҳисор, инчунин зиёда аз 10 километр дар деҳаҳои Бағалаки Ҷамоати деҳоти Деҳқонобод ва Мортеппаи Ҷамоати деҳоти Сомон мумфарш карда шуданд. Мояи хушнудист, ки ин иқдом пайваста раванди тоза касб карда, пайравӣ ба он ба ҳукми анъана даромадааст.
АКСҲО аз Мақомоти иҷроияи ҳокимияти давлатии шаҳри Ҳисор
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаҳои биноҳои истиқоматӣ бо маркази хизматрасонию тиҷоратӣ, таваққуфгоҳи нақлиётӣ, меҳмонхона ва майдончаи варзишии кӯдакон шинос шуданд
Сарвари давлат Эмомалӣ Раҳмон дар шаҳри Хоруғ китобхонаи кӯдаконаи вилоятӣ, китобхонаи шаҳрии ба номи Ҳофизи Шерозӣ ва Маркази рушди зеҳни сунъиро ифтитоҳ намуданд
Пешвои миллат Эмомалӣ Раҳмон дар шаҳри Хоруғ Маркази фарҳангӣ, савдо ва Шурои иттифоқҳои касабаи вилоятро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ чойхонаи Хатлонро ба истифода доданд
Сарвари давлат Эмомалӣ Раҳмон дар шаҳри Хоруғ пули мошингузарро мавриди баҳрабардорӣ қарор доданд
Пешвои миллат Эмомалӣ Раҳмон бинои маъмурии Мақомоти иҷроияи ҳокимияти давлатии шаҳри Хоруғро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 3,7 км роҳ, 550 метр долони зидди тарма ва пули мошингузарро дар деҳаи Барсеми ноҳияи Шуғнон ба истифода доданд
Сарвари давлат Эмомалӣ Раҳмон дар шаҳри Хоруғ бино ва озмоишгоҳи Муассисаи давлатии нигаҳдории роҳҳои мошингарди Вилояти Мухтори Кӯҳистони Бадахшонро ифтитоҳ намуданд
Cуханронии Президенти Ҷумҳурии Тоҷикистон, Пешвои миллат Эмомалӣ Раҳмон дар мулоқот бо роҳбарон ва фаъолони ноҳияи Шуғнон
